2001 .... جت الشهادة
ولأن الشئ لزوم الشئ ... الناس داخله خارجه بنفس أو من غير ( طبعا ) وفى بقهم كلمتين مبروك / عقبال الشغل ... و يضربوا الحاجة الساقعة و خلصت .
4 سنين عدت و طلعت بورقا بيضا بتقول ( بكالريوس تجارة ) .... ووش يا معلم إنت و الحياة و معايا شهادة بتربطنى بيها علاقة زى ( مراة أبويا ) ... و من تانى يوم بدأت الاقتراحات
اشتغل فى فتح الله ( سبور ماركت كبير عندنا ) ... طيب روح مترو ( سوبر ماركت كبير برضه ) ... طيب ما تقرا الوسيط فيه ناس طالبة محاسبين ( مع إنى إدارة )
وعلشان وجع الدماغ
قعدت اسمع و اقرا ... و بليل أحلم بحلمى ... الواد المذيع إل بدأ شيطان ( حب الإعلام ) يلعب فى دماغه
و نازل قرايه إعلانات بالنهار
و كتب باليل
و أنام بحلم متواصل ... بحاول ألاقيله باب
و فى ذات صبح .. و الكلام نازل .. داخل خارج مسكت الورقة البيضا إل بتقول بكالريوس قدام الكل .... و فى إيديا ضغطتها و فى الدولاب رمتها بكل غتتتها .
يا جماااااااااااااعة أنا عايز اشتغل ( فى الصحافة و الإعلام )
هااااااااااا ه ؟؟؟ ... قالوا إيه و عملوا إيه ؟ ( أفضى و اكتب لكم )
0 التعليقات:
إرسال تعليق