بعد مكالمة ( عم ع ) ...
- ألووووووووو .. يا عم ( ع ) / أنا عايز اشتغل مذيع ؟ متعرفش حد ؟
- أعرف مخرجة فى القناة الخامسة
- قشطة .
- قابلنى الأربع الساعة 10 الصبح هى عندها تصوير فى المعمورة
و قفلت ..
و اشتغلت دماغى بور ( بتفرقع ) من الفرحة .. مقابلة ودى ودى / و بعد كده بدلتك / .. ما يكك/ ... و 1-2-3 تصوير / .. و يالا أعزائى المشاهدين / .... كده كله على بعضه فى أسبوع - بالكتير.
وجه الأربع ... و الزمن 10 صباحا .
راكب القطر ... و عم على جانبى و فى إيدى أول حلقات أول برنامج ( كتبته ) اسمه - الزائر- و كنت فاكر إنه متعملش و لا اتعمل قبل كده و هى أول ما هتشوفه هتسخسخ ( موت ) و يمكن تخلى أذيع ( وش ) كده
و دخلنا المعمورة
نلف فى الشوارع ... و لا أثر !
نطلع على الكورنيش ... ندخل من على الكورنيش لا أثر !
- متأكد يا عم ( ع ) ؟
- هى إل قالت الميعاديا بنى
- نتصل بيها ؟
- ألوووووووووووووو .. يا أستاذه ( م ) .
( دقيقة و انقفل الموبايل بينهم) / و قلبى بيفط من ورا ضحكة ( روح رياضية ) مرسومة رسم .
- بتقول تعبانة .. مش هتيجى .
( رسمت الابتسامة أكتر ) و من جوايا ( عيل صغير بيدبدب فى الأرض )
- مش مشكلة .
- هى هتحدد ميعاد تانى
- أوك
و اتأخرت لحظة ( اكتشافى ).. حسب ترتيب دماغى
بس الأهم كنت عايز إجابة ( مسكنة ) لجحافل الانتظار إل فى البيت إل مستنية.. هذيع ( النشرة ) إمتى ؟
و أخدت نمرتها ... و اتكلمنا
حصل إيه ؟ ... عملت إيه ؟
( أفضى و اكتب لكم )
0 التعليقات:
إرسال تعليق