الزمن بعد النتيجة بشوية وقت ( مش كتير ) ....
لما ذات صباح قلت أنا عايز اشتغل فى الصحافة و الإعلام شفت مساحات مختلفة من ( بقاق ) كل حسب دهشته .... متعرفش إل قلته ( كبس ) ... أو كله واحد عايز يقول أول سؤال فى دماغه و مش لاقيه
و إذ فجأة ....
إنتا بتقول إعلام إيه ؟ ... و صحافة إيه ؟ و الشهادة دى أخدتها ليه ؟ ... يا خسارة التعب و الصرف 4 سنين و سنة اكسترا و فى الأخر ابن ( ......... ) بيقولى إعلام
طيب إنت ليك مين فيه ؟
المجال ده مش بتاعنا ؟ ... يا بنى ده عايز واسطة مش أقل من وزير
طبعا كان لا لسه فى فضائيات و لا غيره .... بس هو ( ميغة ) - ماسبيرو ... و معرفش طريقة منين / بس هشوف القناة الخامسة .
و على فكرة كنت فاكر إنها ( دنيا لوحدها ) هههههه
- طيب تعرف مين هناك ... ؟
- عمو ( على ) يعرف مخرجة هناك
يادوب نطقت ولحقنى كذا صوت فى ضهر بعض .. ( آه و الله ده عم على يعرف ناس بحكم شغله فى مجال الإبداع ) / ( يعنى هو ماله إيده منها ؟) / ( هى فى أى قناة ؟ ) / ...
هما يسألوا .. و أنا مسلم عينيا ( مرايات )
وعقلى سارح ... فى صورة ( وردى متاليك )... هبقى مذيع يا جدعااااااااااااااااااان
و مسكت التليفون
ألووووووووووووو .... يا عم ( ع ) .
قلت إيه ؟
قالى إيه ؟
( أفضى و اكتب لكم ) ......
- طيب لما نشوف .
0 التعليقات:
إرسال تعليق