مش عارف هل هى طبيعة إنسانية موجودة فينا .... دايما مع قرب سنة جديدة بنلم كل أحلامنا إل متحققتش فى السنة إل فاتت و نسلمها بأمل جديد لأيام و شهور السنة الجديدة على الرغم من إنها برضه مجرد ( سنة )
هل ياترى بنعمل كده علشان نكمل طريق مش عارفين رايح فين ؟
هل فعلا ممكن تصادف سنة تكون مع أحلامنا و نتولد فيها من جديد ؟
هل فعلا يوم ( واحد ) من أى سنة جاية .. بيعدى بينا لنقطة جديدة ؟ و لا هو بس إل بيعدى و إحنا بنقف زى ما أحنا ؟
مين إل خلى جوانا يوم واحد فى أول شهر و فى أول ساعة بنشوفها بكل الأمل و الرغبة فى النجاح رغم إنها برضه - فى علم المجهول -
هل علشان بنحتاج بداية جديدة ؟ و لا من كتر ما أحلامنا إل عايشة جوانا ملت الانتظار و مرور الوقت و هى مخنوقة على الرف بقت بتدور على نقطة انطلاق جديد يمكن تعدى للواقع بجد
النهارده 1-12 و واحد و تلاتين يوم و نبقى 2010 ... و أنا لسه معايا حفنة أحلام و بعض القدرات إل أنا بس بشوفها .. و شوية أمل من خيط العنكبوت
و برضه نفس ظل السور إل حارم الأحلام من نور الشمس ... فهل ياترى إل جاى أحسن ؟؟
ممكن
بس النهارده قلت ... أكتب
0 التعليقات:
إرسال تعليق