بقول الأيام بتنسى ... و ما بنساش
قالوا البعد بيقسى ... و مبقساش
أغمض عن ملامحها عيونى ... ألاقها تركب برحابها فوق جفونى
و يتهز قلبى تانى و ما يهداش .
ليلى و نهارى بايت متشعلق بلون خضارها إل بدل رغم منى حياتى بحالها ... و أنا قلبى مكوى بنار نارها ... و أحاول أقول لنفسى كانت ( حالة ) خلاص نزل عليها ستارها .
... بتوحشنى أكتر .. و أنا أسكت لمشاعرى أكتر .
لأن جرح بعدها ... صمتها ... ردها على كل كلمة قلتها بين ضلوعى ماشى فيا يكسر ...
يكسر ... كل كلام القصايد إل لملمتها من ورد شفايفها حتت سكر
ولما تفرح ...
أكرر ... و أقول أعذرينى ... بين دراعك ضمينى ..
تقولى اكتب عنى اكتر ..
اكتب أنا ... لغاية ما يغير منها .. الشهد الدايب
و العنبر .
... و فى لحظة بانت قسوة كلامها ... و حبى أنا صار هو ندمها
و وجوب رحيلى بس قدامها
... ده مختصر كلامها .
و من العدم يجينى مرسال شيطانها .. بقصه بتدعى المرض على أيامها
و يقولى سيبك دى بتعد بالعدد أحلامها .
و معرفش أصدق مين ؟
لما ..
... أقولها أنا حب بكره .
تقولى بلاها فكرة ..
أقولها ... يعنى أحبك و لا أكره ؟
تعافر فى الكلام ... و تقول كلام زى الزكام ... و تستأذن فى السريع
و سبيتنى ... قلب مهدود تحت الركام .
و مر- شهر و التانى ... و جاى فوقينا كمان أتقل أيام .
ولأنى فاكرها النهارده اووووووووووى
و نفسى أسمع صوتها اوووووووووووى
و لازم أسكت أوووووووووووووووووى
لغاية ما أفهم أووووووووووووووووووى
قلت النهارده .... اكتب
6 التعليقات:
شكراً لكم ع الموضوعات المتنوعة ...
تكرم على مرورك و تشجعيك ... رغم انى اتمنى اتعرف بيك اكتر ممكن ؟
كلماتك رقيقة ومعبرة :)
شكرا على زيارتك و الكلام الجميل و هى الكلمات بتكون كده لما تكون صادقة و فى حد بتحبه حتى لو زعلت منه
ولأنى فاكراه النهارده اووووووووووى
و نفسى أسمع صوته اوووووووووووى
و لازم أسكت أوووووووووووووووووى
لغاية ما أفهم أووووووووووووووووووى
هقول انه وحشني اووووووو اووووووي
هو ده احساس داخلي منك انت لحد طالع ولا مجرد فصيدة بردو زي العادة يا سمسم
دى اسمها دراما نثرية .. و بكتبها من سنين .. ياريت تقرى كل ال فات و بعد ده احكمى يا سمسمة .. و بكتبها من قبل ما اعرفك و الله هههههههههه
إرسال تعليق