الكلام مش بيكفى - ( قصيدة عامية )

ملحوظة :

هذا القصيدة مكتوبة باللهجة الصعيدية المصرية

--------------------------

فيكى كل الكلام مش بيكفى
و رحت أصرخ يا خلج ... دلونى كيف بكلمة / ( خلق )
ألجى
ندى الطريج / ( الطريق )
و ... شجن الربابة
ينبض فى كفى

فيكى كل الكلام مش بيكفى .
و أنا إل سايب لكى ميعاد محياى و توبى الأبيض
و كفنى .
يا بنت بوى
لما اتخطف برضاى دج جلبى / ( دق قلبى )
رغم أنفى

فيكى كل الكلام مش بيكفى
لا لجيته فى نجوش الفراعين / ( نقوش )
و لا تصاوير البيوت / ( صور)
تتدرى بوصفى

و فى المسا ...
سألونى
أنت يعنيك عاشج بنت فرعون ؟ / ( عاشق )
جلت لا ... أحلى
جالوا ... حورية بتسكن مجرى العيون ؟
جلت لا ... أغلى
جالوا ... تبقى جنية بتفط جواتك بألف لون / ( بتنط جواك )
جلت لا ...
إنسية ... جسما بتكون / ( قسما )
بس الله خلج ليها فى ضلوعى / ( خلق )
كون
الله .... عليه
ما راح يوصفه وصفى
.. و ياجى الكلام و يروح الكلام / ( يجيى )
و برضيك مش راح يكفى / ( برضه )