ملحوظة هامة ...
يعتذر الكاتب عن أى تشابه مع الأسماء ... و لكل شخصية كل الاحترام
و التقدير ... و هذا حق لابد منه
فكان الهدف فقط سر تجربة و ليس النيل من احد .
و سيظل لى حق الاحتفاظ بالتجربة
----------------------------------------------------------------
لما تبقى مستنى ميعاد فى ساعة معينة فى وقت معين فى يوم معين أول إحساس يقابلك إن نص عقلك بيقولك أصبر و النص التانى خلاص
راح يضرب .. الدقيقة بتعدى كاملة و الساعة بتعدى كاملة ... و أنا من أخر ميعاد أخدته عدى على أعصابى يومين و - طبعا- سايب بقه خيالى ( سارح ) .. شوية بفكر فى أول حلقة هتتعمل إزاى ؟ ... طيب هلبس إيه ؟ .. و أهلى هيشوفونى إزاى بعد كا كل واحد فيهم مطلع ليا ( عين باردة دبلوماسية ) و عين ( حمرا حقيقية ) ..
- لما نشوف الواد أبو إعلام ده هيعمل إيه ؟ .. خليك ورا ( .... ) لغاية باب الدار .. لما نشوف
ده إل كان فى عيونهم
و قلت أطنش ... خلاص ساعات و اسمع الرد إل هيخلى السما هتمطر ( زغاريد ) ... و أحط صبعى فى عين ( ...... ) الأيس كريم طبعا - ( برضه دول أهلى و لا إيه ؟ ) .... و جاءت اللحظة
القلب ( بدقات مرتفعة ) بيعمل موسيقى تصويرية ... بشد على الخطوة ( رايح على السنترال ) ... بعيد بنظرى النمرة رايح جاى 100 مرة ( رقم - ( م) - ( م - رقم ) - ( م ) - ( رقم ) ... معرفش كانى حاسس إن الرقم راح بفط من الورقة أو الاسم راح يضيع لو بطلت قراية ...
- لو سمحت أطلب ليا الرقم ده ؟
- تررررن .... ترررررن ..... ترررررن ... كابينه رقم 2 اتفضل
و فى مسافة قصيرة ( رصيت ) كل الاختيارات .
- إيه يا إسلام البرنامج الجامد ده ؟
- أنا لازم أقابلك فورا ... علشان خلاص نتفق
- أنا حددت ليك ميعاد مع رئيس القناة
.... و خلاص ( شحنت ) نفسى بألف رد ( وووووواو) ... و رفعت السماعة
صمت
خروشة
صمت × خروشة
أخيرا صوت ....
- مدام ( ماجدة ) ... ؟
- بصوت ( كسلان ) .. أيوة مين ؟
- أنا إسلام البارون .
- نص دقيقية ( رجعت بالذاكرة ) قبل ما تسمعى الكلمتين المحفوظين .. أهلا .. أيوة .. أخبارك إيه ؟
- الأخبار عند حضرتك ... ( اعتبرها خفة دم منى )
- ( بلا مبالاة ) ... لسه مقرتهوش - و على فكرة يا إسلام لو الرنامج عجبنى أنا هشترك فى إعداده معاك ... كلمنى كمان يومين
أوك
يومين !!! ...
ونتشارك فى البرنامج ( بلطجة كده ) !! .. يا بت ( التيييييت ) .
عقلى يقول كلمة .. و لسانى ( بيقهر ) حصانى إنه ميشطهاش بكام كلمة .. يعنى أتعب و اكتب أفكار حوالى 40 حلقة و تقولى .. نتشارك
وكمان لسه مقرتهوش ...
- سلام
- سلام
.... ( مضروب فى دماغى ) أبرة هوا بحاول أجمع الكلام طلعة واحدة .. فين ؟ و فين ؟ و ليه ؟
طيب و إل مستنيين فى البيت ؟ ... ( يا شماته أبلة ظاظا فيا )
مفيش غير حل واحد .. يسألوك قول .. لسه ( بتقرا )
و تماما ما كان منى ... و حسيت من جوايا إنى ( تييييييت ) قدام نفسى
بس لازم .. علشان المعركة مش جولة
و عدى يومين
و ألوووووووووووووو ... و قالت لسه
و عدى يومين
و ألووووووووووووو و قالت لسه
و عدى يومين
ألوووووووووووووووو .. مفيش حد رد
و يومين ( غير اليومين )
و مفييييييييييييييش حد رد
و أسبوع و أسبوعين و شهرين ... و بخ / بح
فين ماجدة ؟
فين البرنامج ؟
فين أنا ... ؟
... وإذ بعد مدة تليفون ( عاجل ) من عم ( ع) ... خلاصته إنه لما قابل ( م ) قالت ليها ( بحجة ) ترفع مستوى الضغط
- أصل إسلام عايز يبقى مذيع ... مرة واحدة كده على طول - ( مش عارف هو فيه مذيع قطع ؟ )
وأصبحت تهمتى حلمى ... واجتهادى خطئيتى
- طيب فين بقه ( حلقات البرنامج ) ... راح فى الوبى يا ( هنادى ) ... و ضاع بحكم ( تبديد و بلطجة )
و إذ بعد ( مرور ) .. حوالى سنة و بالصدفة .. ألاقى حلقات البرنامج واحدة ورا ( التانية ) - بعد عملية ( غسل و كوى ) تظهر فى برنامج باسم مغاير
و كان منها الدرس الأول ... أوعى ورقك و جهدك يطلع من تحت إيديك قبل ما تحميه - الشغل فى الثقافة مش ضرورى تعمل احترام و أمانة - فيه ناس عايشة على نظرية ( التقليب ) و أقلب ( اللايقة ) ... و إل يلعب مع ( الخامسة ) يستاهل ............ ( كمل إنت ) ههه
بس قلت
يالا _ ندخل جولة تانية ..
فيها إيه ؟ .. حصل إيه ؟
( أفضى و اكتب لكم )
