خالى شغل ( 6)

ملحوظة هامة :

يعتذر الكاتب عن أى تشابه مع الأسماء ... و لكل شخصية كل الاحترام
و التقدير ... و هذا حق لابد منه
فكان الهدف فقط سر تجربة و ليس النيل من احد .
و سيظل لى حق الاحتفاظ بالتجربة .
----------------------------------------------------------------------------


الساعة 5 مساءا

لو كان الواحد يقدر يقيم كل ساعة فى عمره إل جاى يبقى الساعة 5 من ذاك اليوم كان من أهم الأيام فى حياتى... المخرجة خلاص هتقابلنى

و أنا من أول اليوم عمال أجهز ( عريس يا خواتى ) و رايح أجيب الديب من ديله .... حلاقة على شاور تمام على الحتة إل على الحبل و كنت خلاص ظبطت إن برنامج ( الزائر ) هو إل يكون إل معايا .. و رتبت الكلام فى دماغى و عدته و زيدته ... و اخترت الدخلة ( الشيك ) لأن برضه المخرجة فى النهاية ( ست ) يعنى لازم شياكة ودخلة ذوق ....

وطيران فى تاكسى .... تليقزيون القناة الخامسة ( يا أسطى ) ... [ بتمنظر بقه ]

و شكل السواق ( صدق ) ,,, و فتح فى السكة و بقيت أنا و بوابة - القناة الخامسة -

دخلت .. خطوتين و سألنى مسئول من مكتب الأمن

- حضرتك رايح فين ؟

- أنا جاى لأستاذة ( م ) -  المخرجة هى قالت ليا استناها هنا ؟

و بما إن ( مسئول الأمن ) ما يعرفش غير الاسم الموجود فى الدفتر - شاور ليا على مكان جنب الباب و هو بيقول

- حضرتك تقدر تقف هنا تستناها ... هى لسه مجتش .

و استنيت .... ( و انا بقه عينى رايحة جاية مسافرة بانبهار على المكان إل عامل زى القلعة ده .. أمن و حراسة و دفتر .

و كام مذيعة فى عربيتها عدت قدامى و أنا بقه عمال أقول ( بكرة أبقى زميل ) ... و الحلم طالع لفوق ( ببلاش بقه )

و جت الساعة خامسة .. و عدت ... خمسة و ربع ... و عدت ... خمسة و نص .. أخيرا

واحدة ( سمرا ) لابسه نظارة ( بلاك ) داخلة من الباب ... موظف الأمن شاور عليها

- دى الأستاذة .. ( م )  

تحفزت ... و شريط من المواقف المتوقعة ( ضرب ) فى دماغى ... إلا موقف واحد ( شفته بعينيا )

فى المسافة إل بينى و بينها ظهرت فجأة كده ليها زميلة ( معرفش فعلا طلعت منين )

- ماجدة ... إزيك ؟

- بدون مقدمات ... انفجرت ماجدة فى البكاء ( من وراء النظارة ) .

- م تعبانة أوى . ( و أديتها عياط أكتر )

و هنا بصراحة ( اتجمدت ) كل حاجة طاشت .. دى أول مقابلة بينا و أول مرة أشوفها ... طيب أقول إيه ؟

بس موظف الأمن ... حلها

- أستاذة ( م )  ... الأستاذ مستنى حضرتك

اقتربت

- أيوة يا إسلام .. مش كده ؟

- أيوة حضرتك ... أنا جبت البرنامج حضرتك ( و سلمته ليها و أنا رايح على الأخر )

- ( أخدته ) .. أوكى هقرا .. و اتصل بيا بعد يومين

و ( اتحركت من قدامى ) لا فيه اتفضل .. طيب تعال كلمنى إنتى عايز تعمل إيه ؟ .... معلش هنقعد مع بعض وقت تانى ... مفيش حاجة يا جدعان ... دخلت و عدت الحاجز معاها البرنامج و زميلتها شغالة آسئلة .

أما أنا ... خرجت ( و مية ساقعة بتجرى على جسمى ) ... فين ؟ إزاى ؟ .. بجد ؟

أسئلة حاولت ألاقى ليها إجابة و أنا من الغيظ ( روحت ) مشى للبيت .

و قلت اساتنى يومين .. و نشوف يمكن حاجة تتغير .. و صبرت نفسى بكام مبرر .

و عدى يومين ... ( على أعصابى )

و اتصلت ..

حصل إيه ؟ ... قالت إيه ؟ ...

( أفضى بس و اكتب لكم )