هكذا ارى - ( 2 )

  اكتبها لأنى .. سأظل وفيا لميدانى .. و هويتى و عنوانى

 ( 1 ) 

المتحولون ... ( مدعى الثورة الكاذبين و راكبى الموجة ) مع نجاح مرسى بيبعتوا ليا دعوات لصفحات اسمها .. ( يا عزيزى كلنا فلول .. و صفحة المحامين العرب للدفاع عن مبارك ... منتهى الاشمئزاز منهم ... و أقنعتهم رخيصة جدا فى شارع الحرية مهما غلت رائحة عطورهم المستوردة التى تخفى غل قلوبهم و عرق خوفهم من مصر ... و هم عندى أقل احتراما من فلول المخلوع و من عبيد الفاسد فهم كانوا واضحين من البداية

( 2 ) 

محافظات العار ... المنوفية و الغربية و أسيوط .. معقل العسكر و الطائفية ... تكشف عن وجه العار بانتخاب الفاسد شفيق .... لكن تنتصر فمصر اكبر من البقر. 

( 3 ) 

لن ننساك يا مينا دانيال... فأنت القبطى المصرى الحر فعلا
عشت و مت من اجل مصر ... فنت فى قلوبنا علامة جميلة
و تاريخ من شهداء مصر ... فلم تكن يوما خائفت أو مرتعشا أو احد قادر على اللعب بدماغك أو خوفك ... أتمنى ليك كل الرحمة و الجنة

( 4 ) 

ما أن  تسمع المستشارة ( نهى الزينى ) - نائب رئيس النيابة الادارية و هى ( حد فاهم قانون ) بتقول .... الاعلان الدستورى المكمل - انقلاب عسكرى واضح - و أن الجيش بيبنى دولة فوق الدولة - أن الجيش هدفه قبض تمن الفترة الانتقالية - أن الجيش هدفه العسكرة المطلقة للدولة ... تحس انها امرة ( نهضة مصر ) المحترم
ال بتكشف ان فى الشارع ( فلاليط ) ملونة رغم كل الحقايق بيقولوا الجيش حمى الثورة .. لكن كل ما حماه هو أجندات المتحولين و الخائنين الفاسدين و المنحلين اخلاقيا و المسطحين ال مقضيانها اشتراك فى مواقع الفلول و بيع حلم التغيير .. و حلم عودة نظام سقط ... نهى الزينى امراة بكم جميعا

( 5 ) 

جمالك .. و بأصلك العالى .. و تاريخك الفنى الجميل ... و فكرك الحر
عندى اجمل من كل بنات اليورو .. و الدولار كمان
مصرية حرة ... عندى احلى و اطعم
و لا عزاء ... لا انصاف النجوم التى لا تشع اى بريق
جيهان فاضل .. صوت فن مصر الحر

( 6 ) 

لما تحسب عدد .. الموظفين الفاسدين فى الجهاز الادارى .. و اصحاب الكباريهات .. و الراقصات .. و أبناء امناء الشرطة و الظباط الفاسدين .. و ابناء رجال العسكر المتواطئين .. و عدد الاعلاميين المتلونين .. و المتسممين فى افكارهم .. و المستسهلين و المستجهلين و الخايفين و ال شايفين فى انكار ثورة بلد انهم لسه بنى ادمين .. و عدد المدافعات عن الزى الوطنى ( البكينى ) ... و ناسيين ان فيه الدويقة و غيرها ناس عرايننين ... و ال واكلين على الموايد .. و ال عايش على ميراث حزب فاسد ... تعرف ليه شفيق موجود ... لأنهم كل دولة الفساد اختاروا شفيق ليهم رئيس

( 7 ) 

بيقولك السادات و مبارك و بس .. كأن مصر حاربت بس بتفرين
و طالع لينا شفيق ابو طيارة ورق ...
شغب مغيب .. و مثقفين بيدعوا الشوق للسادات الآن على نظرية عكش لتبرير موقفهم المتخاذل فى دعم الفساد علشان المهزلة تستمر ... بجد منتهى الاشمئزاز منهم

( 8 ) 
مستغرب اوى من ناس عاملة نفسها مثقفة ... و عمالين يعملوا نفسهم خايفين على مصر و عمالين يخلقوا فزاعات و عفاريت واحد يكتب و 100 يردوا باسلوب عاجز .. دفاعا عن أجندات و اختيارات لبيع حلم الثورة .... فعلا أنصار شفيق مرتعشين و جبناء ... كانهم لا أحرار و لا ليهم إراده و لأنهم مش بيدافعوا عن قضية .. ناس فاضية ... مرسى على ابو شفيق .. الاتنين رايحين و مصر ال عايشة

( 9 ) 

جيش مبارك و طنطاوى ال فالقنا بأغانى وطنية متفصله ليه على قنوات " تكية " ماسبيرو ال عايزة تتقفل اصلا ... كلها لقطات لناس حاربت و ماتت فى صمت من فوق ال 30 سنة .. اما هما فعملوا قوات لمدة 30 سنة ( عقيدتها فاسدة ) قايمة على الولاء و الانتخة و قبول رواتب الولاء .. و ملهوش أى مجد خاص.. غير انه نزل فرق النخبة تحمى مبارك .. و النهارده نازلة فى مواجهة الشعب نفسه ... مجلس العار و مؤيديه تحت اقدام الشعب الحر .. و العبيد يمتنعون

( 10 ) 

الفرق بين نجوم ثورة يوليو لما الشعب قال ثورة فى  52كانوا فى الصف الأول و دلوقتى و ( انصاف نجوم ) ثورة 25 يناير فى الصف الأول علشان يوقعوها .. و ده بعدهم
- الفرق بين راقصات ثورة 52 ... قلعوا بدلة الرأس و لابسوا الأفرول ... و داروا البلاد كعابى علشان قرش لخزينة مصر ... 
   راقصات ثورة 25 يناير يتصلوا بعكش البط علشان يقولوا .. ناكل ابننا منين لو بطلت ترقص .
- الفرق بين ( المبتدئين ) فى 52 كانوا ساكتين علشان البلد بيديرها كبار ... النهارده ال عايزة تشهر نفسها .. تبيع و تخون و تطاطى 
   وتقول كارهينك يا ثورة .. فى المسلسلات و بس يعملوا مناضلين ... الفنان المحترم هو ال فى التحرير محافظ على مكانه ال 
    مسبهوش .. لا اتحول و لا اتغير ....

( 11 ) 

حالة النقد السريع لرئيس لسه ممسكش حاجة من بتوع الفل شفيق .. كأنهم فاكرين أنهم معارضة ... بيفكرنى بس بدور عواجيز الفرح .... كلام و طق حنك ليس الا ... و تبقى الفرحة للثورة المصرية .... موتوا بجهلكم و غيظكم و اجندات الفساد ال عايزين تزيفوها و تقولوا دولة مدنية ... مصر مدنية من غير شفيق و من غيركم ... مصر أرض خالد و مينا و بره لكل فل عالة علينا
مبروووووووووووووووووووووووووووك

سقوط الفل شفيق و انصاره من الفسادين و من العسكر و من اصحاب الراى المتلون او الفن الهابط .. نجومنا و فنانينا المحترمين فى الميدان و البقية يمتنعون .... ابكوا أنتم لأنه عصر الفن الهابط انتهى

( 12 ) 

لما تلاقى الهام شاهين و علا غانم و امثالهم بيصوتوا من الرعب .. و تلاقى جيهان فاضل و خالد الصاوى و خالد صالح بيقولوا ثورة مصر ... تعرف الفرق بين مرشحى شفيق ممثلى الفن الهابط و بين نجوم مصر ال بتلمع فى كل وقت ... مصر فيها فن محترم و اصحاب ملفات الاداب يمتنعون

( 13 ) 

مش هنسمح أبدا طول ما فيه ميدان و ثورة .. ان الفاسد شفيق و اتباعه من الحزب الوطنى الواطى و روؤس الفن الهابط و حيتان الفساد الادارى انهم يتجمعوا فى حزب يتكلم باسم الثورة ... عجايب الراجل البجح فاسد و مطلوب للنيابه و عايز لأخر نفس يعمل نفسه شهيد و فاكر ان فعلا واخد اصوات كلها ليه ... انت يا شفيق اسمك على قوائم الترقب بامر النيابه و لا فاكر انك هتلم بلطجيتك و تقول ثورة تبقى خلصت .... الميدان رغم انف كلاب شفيق ليه صوت و اراده و خلاص مش هترجع الا على طره

( 14 ) 

بصراحة الناس ال عماله تحزق فلسفة علشان مرشها الفاسد شفيق سقط ... خلاص بقه شكلكوا وحش جدا بجد
الثورة مش عايزاكم .. و لا مصر بكرة عايزاكم .. خرفوا براحة و انتم فى النفس الاخير ... مش كل واحد معاه كلمتين فاكر نفسه معارضة ... انتباه مصر خلاص عدتكم بجد

( 15 ) 

جد ده !!!!!!! ... سمعت ان المقهورين من مشجعى الفاسد شفيق
عايزين يعمله حزب اسمه " الفلول للجميع " ... عذرا لمصر
الساحة بتلم المتخلفين فى مكان واحد علشان يبقى المصريين العرة فى مكان واحد
مصر اكبر من شفيق و عبيده ...
موتوا بغيظكم بجد .. انتك بيقتوا المادة الترفيهية للشعب المصرى

( 16 ) 

ياريت بتوع شفيق ياراجل من العسكر و كسر العسكر ما يخدوش العلاوة الجديدة .. و الناس ال باعت ضميرها باسم الجوع ما يخدوش المعاش الاجتماعى ... بس انا عارف انهم يبعوا ابو شفيق ... لأنهم بلا مبادئ و لا موقف ... و واقفين النهارده قدام قصر العروية على طريقة المعارضة فى مسرحية " حجا يحكم المدينة " .. لكن فى الواقع الشعب يدعم رئيسه طالما يسير على الطريق

( 17 ) 

حياة الدرديري: عكاشة هو إمتداد لمصطفي كامل وسعد زغلول
ههههههههههه ...
الناس دى برضه ال فجأة افتكروا ان الرئيس السادات ( كان زعيم و قائد ) و تلاقى كل واحد فلولى ملهوش مبدأ بيحط صورة السادات علشان يخبوا انتمائهم لمنظومة فساد مبارك ... و هما برضه ال لسه فاكرين ان السادات ( مات ) و راحوا على المنصة بعد ما العباسية ماجبتش همها ... الناس دى زى الكائن الطفيلى ال مش عارف يعيش لوحده لازم حاجة تسنده علشان يسرق نور الشمس ... و بكره يقولوا خوفو معتصم تحت المنصة بامر عكاشة ... بجد الواحد مكسوف ليكم على ناس بتخلق لنفسها وهم و تعيش فيه .. و ممكن يطالبوا بعمل مولد سيدى السادات الفترة ال جاية ...
الثورة تكسب ... و انتم موتوا بغيظكم ...

  

إسلام البارون 

5- 7 - 2012 

هكذا أرى - ( لازم اتكلم قبل ما اطق )

                                              اكتبها لأنى .. سأظل وفيا لميدانى .. و هويتى و عنوانى 

( 1 ) 

لما بشوف ناس نزلوا و اتصورا فى الميدان و عملوا فيها ثورجية أو كانوا مقضيناها كتابه اخر حاجة على الفيس ضد مبارك و عصابته و النهارده مع اول ازمة حقيقية تلاقيهم بقوا اعضاء نشاطين جدا فى جروبات طالعة من الضلمه و باسماء مشيوهة زى اللجان الالكترونية للفلول ال بيحركوهم .. بتقولك ... ( أنا فل كبير و راضى على العسكر و اتخنقت من التحرير ) .. و ( يا عزيزى كلنا فلول ) ... و غيرها
متزعلش .. لأن الثورة كده بتتطهر من من ناس بلا ولاء و لا مبدأ و لا رؤية .. مجرد وجوه نكرة لا تزيد للثورة و العلم شيئا ... فالثورة حلم لا يقدر عليه المتجولون على كل الموائد .

( 2 ) 

مين ال راح ينتخب شفيق .. ؟؟
- ممثلات من نوع ( كل ما اتنزق اقلع )
- ممثلات لسه فى الضلمة خايفين من ان اجندة احلامهم تقف .. و مش مشكلة الوطن
- موظف شهر عقارى ( بدرج مفتوح طول اليوم الوظيفى علشان المعلوم )
- سواق عربية ( مضروبة ) بتعدى كل سنة من الفحص بالمعلوم المعتاد للمهندس و الأمين
- ناس حياتها ( الفيلا - شرم ) ... و الويك اند .. حياة استهلاكية بدون حرية
- متلونين .. متحولين ... خايفيين ... قابضين
.. و لسه هكما ليكم باقى القايمة .

( 3 ) 

إل بيقولى " يا عزيزى كلنا فلول " ده تصنيفك اليائس لنفسك .. و استسهالك لاستبهالك ... لكن لا تصنفى معك
فأنا أشعر بحريتى تجرى فى نهر غير نهرك الذليل

( 4 ) 

أصبحنا ندعم دفاعنا على مبارك ( العجوز) الذى رغم عجزه الى يسترحم بيه الناس الآن كان يرسل البلطجية و يتابع قتل الشباب ... و الآن نقتبس من ( الهارب ) أشرف السعد .. دلائل الرحمة .. فعلا شعب يعشق جلاده و يمنح قاتله وسام الرحمة .. بس دول ناس عايشين فى بلد غير البلد فلسفوا الحياة لنفسهم و اقنعوا انفسهم بالتلون و اعطوه صفة الحكمة و الضمير ... مصير الطغاة دائما مصير مبارك و امثاله فهو ليس اغلى من أى مصرى شريف يكافح فى الحياة و لا يبحث فقط عن سعادته الخاصة

( 5 ) 

الشعب ( الساذج ) يقبل على نفسه ان يرى منه ضحايا تغرق و تحرق و تقتل و تقلع العيون ... و عندما تعرض صور من ماتوا فى ذكراهم تسمع عبارات ( التخلف ) ... خربوا البلد ... الاستقرار بتاع مبارك و شفيق خيار ... كشعب سادى يتلذذ بالتعذيب و المهانة ... و لم يتبق سوى ان يقولوا عن الثوار .. " اخرجوهم فأنهم قوم يتطهرون " .. و هذه النتيجة حين يجتمع شعب تطهر مع شعب ( تنجس ) بكل الأكاذيب و الجهل الفقر و لا يريد أن يعيش حرا

( 6 ) 

براءات جماعية للقتلة .. و شعب عبيط بيعيط على صحة مبارك ال بيمثل مسرحية باسم محامى الشيطان .. الديب
فعلا تستحقوا شفيق ... شعب جيناته خالية من الحرية

( 7 ) 

قنوات عماله تقول ..مبارك بيحتضر و فى حالة صحية متدهورة ... و كأن اعلامنا عايز يخلق بس حالة تعاطف مستتر لقاتل بحكم المحمكة و خائن لأمانة شعب و عميل لكل عدو .. و احنا شعب مش بيفكر أبداااااااااا إنها تمثيليلة زى النومه على السرير ... و غيرها علشان يتم نقله بحيلة مدبره من محامى الشيطان .. الديب .

( 8 ) 

كلنا ضد ( محاربو العار ) ... الذين يدعون انهم من مقاتلى اكتوبر .. و يلومون على صرف تعويضات للمصابين و الشهداء فى الثورة ... و هم من يجب ان يحاسبوا انفسهم على تفريطهم فى حقوقهم و ال اكلاها مكنوشس الثوار دول كانوا السادات و مبارك ... وال بيشوهوا النهارده الثوار هم ال انفسهم تخلوا عن حق زملاء الميدان و هما شايفين اسرئيل بتعدمهم تحت الدبابات متكتفين و اسرى و من غير ما يخدوا اى موقف ضد استقبال مبارك للقاتل بنيامين ال عازر ,, و يعمله كمان مستشار و يقبض مرتب من فلوس مصر ... المحاربيين الشرفاء يا اما ساكتين و مع الثورة لأنهم عارفين يعنى ايه كفاح و حرية ... يا اما ماتوا علشان انصاف الأبطال يعيشوا ... على موائد الفضائيات .... لا لمحاربين العار.

( 9 )
حاليا فى برامج التوك شو .. تلاقى المذيع مستضيف بحجة ( الرأى الأخر ) واحد او احدة من بتوع الفلول و من محترفى تشوية الثورة و يبقول المذيع ... هنستقبل اتصالات و فجأة تلاقى من 10 اتصالات 9 بيدعموا الفل أو الفله قدام الثورة و الثورة علشان الناس تفتكر ان ده الحقيقة و الشارع .. و السر ان الفل أو الفله بتكون مربطة مه حبايبها و انصار اللجان الألكترونية لفلوول ال بيكونوا قادرين على انهم يضربوا كارت موبايل ب 100 فى سبيل المكالمة .. و تلاقى نفس التركيبة ... واحد يطلع يقولك انا من المحاربين القدامى و يقولك الثوار كانوا فين لما حاربنا ؟ .. و منردش و نقول لهم كنتم برضه فين لما شفتم فيلم اعدام الأسرى المصريين و مبارك بيستقبل ال قتلهم و فى الأخر كمان طلع مستشار مقرب ليهم اسمه بنيامين أل عازر ... و يطلع لواحد وواحدة و يقولوا احنا من الثورة بس بنكرها بسبب الثوار .. و عايزين شفيق منتهى التنقاض لعمل دعاية مستهدفة من لجان انصار الفلول بشكل متخفى !!!!!!! و غيرهم كتير خاصة على قنوات زى الحياة ... دى الحرب النفسية ال بيقودها ناس اصواتها غامضة و وجوه غير معروفة و ناس بتقبل و تعدى و تحطم النفسية فى وقت الشارع وصل لدرجة الغليان ... رجاء شير و خلوا الناس تفهم .. مين بيتصل ؟ .. مين بيتكلم ؟ و الهدف ايه ؟

( 10 ) 

امتى اشوف جمعة جامعة لدول الربيع العربى فى مصر و سوريا و تونس و اليمن و ليبيا .. كلها طالعة فى هدف واحد .. دولة مدنية بلا مرشديم و لا أمراء حرب ... و دولة مطهرة من الفساد و الفاسدين من أعوان النظم الفاسدة القاتلة الفاسدة .... و منرجعش إلا لما نستحق فعلا فكرة ( الربيع العربى )
 

... و مازلت أرى بحريتى الكثير .....

شئ من الغيظ - ( لازم اتكلم قبل ما أطق )

                                                        

لأن من المفترض ( نظريا ) إن شباب و شــابات مصر عملوا ( ثورة عظيمة ) و علـــشان تكمل صـح كان لازم يــبقى بيساندها ( إعــلام عظيم ) .. لكن بلؤم عظيم ( عمليا ) تمت صناعه نجوميات و فــتح قنوات ( على البحرى )  للمتحول و المتلون .. و ابن بياعة البط .

لأن فى معادلة غريبة إعلام الثــورة لسه بيقوده قــادة إعلام ... بتوع الثورة فوضى - و الثورة حرام و خروج على النظام  و طاطى لغاية ما تعدى بسلام

و لو عايز تفتح قناة ( بوس ايد سيدك  قوام ) .

ففى وقت ما كانت كرامة الثوار فى السما و هما (الورد ال فتح فى جناين مصر ) ... بتخطيط مظبوط تم فتح فتحة ضيقة لكل إل ناصروا جرايم القنص و القمع و الترهيب و الخطف للمصريين و ظلم نظام فاسد من فنانين و سياسين على شاشات الإعلام و اتولد لينا شخصيات كمان من العدم يقولوا احنا شعب بيحب ( المخلوع ) ... مره باسم الإعلام بيحب الاختلاف .. و مرات بـطريقة ( الشلة بتشيل بعضها ) و تلقى البرنامج ال ميجبش الفنان ( الأصلعى ) طلعت زكريا و الحاجة ( بيتزا و ريش ) و أمثالهم يبقى ناقص حاجة .

بس الناس كانت لسه واعية .

و الثوار لسه ( هما الورد ال فتح فى شوارع مصر ) .

و حالو يا حالو  .. تم تحويل برامج رمضان ال فات كمهمة كقومية لتلــــميع ( الناس إل باعوا القضية ) كأن مصير الفن فى مصر هينهار بسبب فنانين تــــجاريين رافعين شــــــعار النحتاية و السبوبة ... و بقوا هما الضحايا قدام ( الثوار الوحشين ) !!  و لأن طبعا القاعدة بتقول سالب سالب موجب

الناس بدأت شوية تسمع .

و الثوار لسه ( هما الورد ال فتح فى شوارع مصر ) + شوية ملاحظات عليهم بانهم مزودينها حبيتين .

و بعد مخمخه الكبار ( ماسورة فلول ) ضربت فى كل شاشات مصر ... بحجة سماع ( الرأى الأخر ) .. و فلفل شطة ( لدم ثوار مصر ) كأن مصــــر قامت و ضحت علشان ناقصها ( رأى أخر ) !! ... و بمفارقه عجيبة انه هو نفسه الرأى الأول و الأوحد و الأقهر ( على رقبة ) سكان مصر فى عصر حكم الجنرلات !! .. بس لازم تمشى ... و فلفل شطة للمشاهدين .

و ناس تسئ للثورة .. و تلقى ناس تسمعلها

و ثوار مصر بقوا ( الورد ال فتح فى شوارع مصر ) .. ال ماتوا بس

و ثوار التانيين ( مطاردين و ممولين و عملا للناس الوحشين )

و مع نجاح سيناريو الثوار  ضد ( أخطاء العسكرى ) ... تم اختيار  العباسية  ميدان لبقايا النظام و المنتفعين و المنافقين و ال قابضين ( من فوق و تحت ) .. بحجة تأييد العسكرى ... و طلع ليهم زعيم إعلامى ( عكش الثورة المضادة المصرية ) ... و زعيم سياسى ( طالب أتولد من العدم ) لناس بتقول آسفين !! تم اثبات تمويله و علاقاته من روس الشلة ( القديمة ) علشان يدق ( بغباوته ) إسفين .

و بقه فيه ...

مصر  ( التحرير ) ... و مصر ( العباسية )

بقه فيه ( ثوار ) ... و ناس ( تجيب العار )

و ناس  ( بتساند حلم مصر ) .. و ناس ( ماشية مع التيار ) .

تتكلم  تبقى من ( بلطجة الثوار ) !! .. تسكت يقولوا عليك أغلبية صامتة و تاخد ( عضوية ) العباسية .

و الكاميرات ( شغالة ) بحجة الموضوعية فى التغطية ال خلت ( الواد بتاع أسفين ) يقول لمذيع " أنتوا اجبرتوا على استضافتنا لأننا بقينا قوة وواضحين "!

و بقى عندنا ناس ( بتلعن تاريخ الثورة )

و عندنا ثوار  هما ( الشوك ال خرب شوارع مصر ) !

لأن عندنا إعلام لم يتفاعل مع ثورة شعب و لم يتواز  مع أحداث ثورة لم تكتمل . و اخترع لنا حرية يستفيد منها ( أعدائها ) .. لنبدأ بثورة تواجه اعدائها من فسدة و أنصار المفسدين  .. و تنتهى بثورة محاصرة من شعب بعضه قرر أنه ياخد الطريق الأسهل ...و يهلل لمحــــترفى تـــجارة المـشاعر و تخدير الإدراك السياسى لشعب يفترض انه يبدأ ينهض

و إذا كنت لسه بتقول ( في مصر ثورة .... )  

عليك أن تشعر ( بشئ من الغيظ ) كل مرة تشوف فيها

إعلام ( مصر الجديدة )

بعد عام من الثورة .

                                                            

إسلام البارون
6 / 1/ 2012

رد هام ... على اللواء الروينى -

الأستاذ / يسرى فودة
تحية طيبة
لفت انتباهى كمصر ى أولا ... و مشاهد ثانيا مدى الاهتمام و المتابعة الجيدة التى يبديها سياداة اللواء / الروينى قائد المنطقة المركزية بالبرامج التى تقدمها قناة on.tv حيث يحرص سيادته على التواصل و التعقيب عبر الاتصال أو الظهور فى البرامج للرد على ضيوف أو موضوع فقرات البرامج لكن هناك قاسم مشترك فى حديث سيادته هو إصراره الدائم على تأكيد ضيقه الواضح من استخدام مصطلح " تطهير القضاء "
حيث إنه يعتبر ذلك مساسا بأحد أعمدة الدولة الرئيسة .. و نحن معه لكن كمواطن يتنفس الحرية اسمح لى أن أعرض وجهة نظرى التى أراها حول وجوب استخدام هذا المصطلح بل نحن فى أشد الحاجة لاستخدامه من أجل حماية ثورة مصر

- فسيادة اللواء باعتراضه على هذا المصطلح يضع بشكل عام غير دقيق صفة ( العصمة و الحصانة ) على مؤسسة مهما بلغت من اجتهاد على تحقيق أعلى درجات الشفافية فهى تظل مؤسسة بشرية فيها الصالح و الطالح و إلا لماذا على سبيل المثال و ليس الحصر .. قرأنا خبرا منذ ما لا يتجاوز الشهر عن تحويل وكيل نيــــــــابة فى حلوان إلى التحقيق نتيجة تلقيه رشوة ( أى بعد الثورة ) .. ؟

- سياداة اللواء بذلك الاعتراض على المسمى يرد منا أن نغفل حقائق كانت ظاهرة للعيان و لا جال فيها حول وجوب فعلا " تطهير القضاء " الذى يطالب به أيضا قضاة مصر .. و لا أحد يخفى أن فى الأنظمة السابقة كانت يتم اختيار وزير العدل عبر تقارير أمن الدولة و عدم تشكيل المترشح أى خطر للنظام و بجبانب توفر شرط الولاء للنظام شئنا أم أبيناا ... و من لا يعلم فى مصر كواليس تعيين وكلاء النيابة بالوساطة وكل مـــــــــن يعمل فى مجال المحاماة يعلم جيدا كيف أحيانا يتعامل هؤلاء بتعالى مع زملاء المهنة قبل المتهمين ... و أن هناك قضـــــــــــــــاة فعلا حصلوا على امتيازات من النظام السابق و تماشوا مع أجندته و إلا لماذا كان الاعتراض من داخل الهيئة القضائية
نفسها على وزير العدل نفسه ؟ ... لماذا حدثت أحداث نادى القضاة .. ؟ لماذا استقال المستشار الخضيرى .. ؟
.. و تظل الأسماء و الأحداث تتوالى .

- سيادة اللواء دائما ما يستند على قصة قبول شارل ديجول حكم فرنسا رغم انهيار كل الأنظمة فيها ماعدا العدل و رغم أن هذها المثال جيد لكنى كمواطن أجده مغاير للحقيقة إذا تم وضعه فى مقارنة مع ما حدث فى مصر فشارل ديجول فعلا تسلم فرنسا بقضاء جيد غير مخترق من ( جهاز أمن الدولة ) و لا يوجد تقرير أمنى يتبع سيرة كل قاض و لا يوجد معايير الولاء للنظام قبل الولاء للعدالة أو مطوع فى بعض الدوائر سياسيا... و لم يكن هناك من يمتلك الجرأة على إصدار أوامر لقضاة للنطق بأحكام معينة فى قضايا معينة و هذه حــــــــــقيقة كشفت عنها الثورة بلسان بعض قضاة مصر ؟
فمصر كانت عمليا بعيدة كل البعد ... عن فرنسا ديجول حتى تدخل معها فى مقارنة ؟
بل كان قضاة مصر الصالحين أنفسهم كانوا يعانون من الظلم و التهميش .

- سيادة اللواء بستثقل مصطلح " تطهير القضاء " حيث إنه يرى إننا عندنا جهاز عادل بشكل كامل و مطلق و هذا حقه ... و لكنى من حقى كمواطن أيضا أن أستثقل " حكما بالبراءة " لمالك عبارة استغل اتصالاته برجالات القمة و القدرة على تزوير الأوراق و الغش فى التصاريح و ترويع الضحايا الذين بلغ ععدهم ما يقارب 1500 شخص أى ما يوازى مآساة العبارة تيتانيك التى تعتبر أسوأ كارثة بحرية فى تاريخ النقل البحرى .. و كان صاحب الحكم قاض أيضا نطق به راضيا أو مرغما ... لكن لم يتبق لأهل الضحاياو الشعب المصرى سوى تجرع كأس القهر و نحن نرى النظام يهربه للخارج كأنه يمنحه شهادة تقدير على مجهوده الواضح فى تخفيف أزمة الكثافة السكانية ف مصر !

- اتفق مع سيادة اللواء على أن القضاء أحد أعمدة الدولة الرئيسة لكن بكل تأكيد يعلم سيادة اللواء أنا هذا العمود ناله من النخز و السوس ما يكفى نتيجة التدخلات السياسية و الأمنية و المصالح الخاصة ... فما الضير من إعادة النظر بعدالة لأهل العدالة حتى تقوم مصر على عمود سليم بدلا من الشعارات التى تخفى العيوب دائما و أن يصبح الجميع تحت قانون العدالة ؟

أخيرا ...
أقدر للواء نيته الصادقة فى الحفاظ على أعمدة مصر حيث تمتلك مصر كوادر قانونية قادرة على تأكيد تاريخ مصر القانونى و يجب أن تظهر معه بشكل صحيح .... و إن كنت اختلف معه على الطريقة .. التى مازالت تعتمد على فكرة فرض " التابوهات المحرمة " .. ومصر بعد الثورة تنقى نفسها .
و حتى تكون العدالة المصرية قولا و فعلا علينا فعلا أن ننادى بتطهير القضاء .

و الله الموفق .
إسلام البارون – الإسكندرية

التابوهات المحرمة - الجديدة

منذ عدة أشهر قليلة كان مجرد الرغبة فى الحديث عن الرئيس و رجالاته و ابناءه و أصدقاءه .. بل حتى أصدقاء أصدقاءه كانت من التاوبوهات المحرمة التى يأنى عنها أى صحفى أو إعلامى أو حتى رجل الشارع البسيط ... و ( خليك جنب الحيط .. يحتار أمن الدولة فيك) كان أسلم شعار ... و جاءت الثورة أخيرا بحلم التغيير .
و بعد مرور 5 أشهر من إعادة كتابة تاريخ النفسية المصرية التى طاقت للحرية ... اختفت التابوهات القديمة بلا رجعة كمكتسب للثورة لكن سرعان ما بدأنا فى صناعة ( تابوهات جديدة ) يقف على رأسها ... حرمانية نقد طريقة الإدارة السياسية للبلاد التى يتولاها اللمجلس الأعلى العسكرى (راعى الثورة ) فإذا قيل بأن هناك أخطاء يقف أمامها المواطن العاجز غير قادر على تقبلها ... يتحول فجأة الأمر إلى محاولة للمس بدور ( الجيش الوطنى ) و هذا بعيد عن كل الصحة ... بل من يتبنى هذا الرأى يجد فيه شبهة ( قلة أصل ) !
و يجب علينا أن نسكت !

و على الرغم من أن مصر حدثت فيها ثورة شهد لها العالم ليستحق المصريون بعدها أن يشعروا ببدايات التغيير الحقيقى لكن ما يجرى على الأرض من بطئ شديد و تعلل بمقولة ( تنفيذ القانون ) بدأت تتحول الثورة من حالة تغير جذرى إلى ( بعض ) إجراءات إصلاحية ليس إلا و كأن إتاحة تنفيذ قانون ثورى يحقق مطالب شعب دفع دماءه مهرا لمصر الجديدة ... لكن من يتجرأ فى خوض هذا الحديث يواجه بشبح الرغبة فى زعزعة الاستقرار و العدالة و حال البلد !

أما من أكثر التابوهات التى بدأ الترويج لها هو أن أن الذين اقتحموا ( أقسام الشرطة ) أثناء الثورة مجرد ( بلطجية ) و من مات منهم ليس شهيدا !! ... دون الإجابة أولا عن سؤال ... ماهو كان دور تلك الأقسام فى تخطيط و تجميع القوات و تحضير الأسلحة القمعية لصد المتظاهرين ؟ مما دفع بجموع الشعب نحو ( مراكز خدمة النظام ) لوأد مخططات الشر ضد ثورة سلمية خرجت تطالب بالحرية و العدالة و المواطنة .
و يجب علينا أن نسكت ... !!

و لأننا فى حاجة فعلية للتطهير يجب أن يكون هناك عدالة ( ناجزة - عادلة ) لكن مع استمرار سيناريو التأجيل لرموز النظام السابق يجب أن نطرح تساؤلات حول وجود قضاة تم تعيينهم بتقارير أمنية من جهاز أمن الدولة المنحل و وكلاء نيابة تخطوا معايير الاختيار عبر الوساطة القريبة من وزارء عدل خضعوا للنظام طوعا أو إجبارا ... حتى وجدنا القاضى الذى يقبل بتبرئة ( صاحب عبارة الموت )
رغم الأدلة الواضحة
و كل ما يطالب به الشعب هو ( التطهير ) لهذا القطاع الذى يعد من أعمدة الدولة الأساسية .. لكن نجد هناك من يريد أن يجرم حتى كلمة ( تطهير ) ... كأننا خلصنا من (عصمة ) جهاز الشرطة من الحساب حتى ظهرت لنا ( حصانة ) القضاء بدون عدالة تأتى براحة صدور هذا الشعب
و يجب علينا أن نسكت ... !!

أسئلة حصرية ... على بيان وزير الداخلية المصرية

أخيرا ... خرج علينا وزير الداخلية معلنا علينا الحركة " الدورية " لجهاز الداخلية والتى أدت حسب " الأوراق الرسمية " إلى إحالة 505 لواء و 164 عميد و عقيد بينهم 27 من المتهمين بقتل المتظاهرين ... ونحن من المفترض أن نعتبر ما حدث خطوة إيجابية ( بغض النظر إننا قبل 25 يناير لم نعرف قواعد و لا أعداد الحركة حتى نحدد مدى الإيجابية فيما حدث ) ... لكن تيقى لدينا عدة أسئلة .



- حسب وصف وزير الداخلية أن هذه الحركة حركة " تطهير " لجهاز الشرطة ... لكن بالتالى كما تعود رجال " العسكر " باستكمال
وجودهم الأمنى بعد الانتهاء من الخدمة عبر العمل لدى رجال أعمال تحت مسمى " الأمن و الحراسة " فهل ستستمر هذه الظاهرة مع
هؤلاء و نطلق أيديهم على شركات مصر لتتحول إلى " ميلشيات " أمنية خاصة ( بما يملكونه من حقد على الثورة التى اسقطت الرتب عن
اكتافهم ) ... أم علي وزير الداخلية استكمال التطهير بحظر ممارسة أى عمل أمنى عليهم فى أى مؤسسة مصرية ؟



- هل سيتم تحرير " منشآت و قرى الساحل الشمالى و باقى مصر " من السيطرة الأمنية لأمثال هؤلاء أم ستكمل السياحة المصرية
أسرها فى حضن قيادات العمولة و الرشوة و المحسوبية و لإدارة فاشلة خبرة و مهنية تكتفى فقط بالرتبة و الولاء ؟



- أمين الشرطة ... تلك الشخصية التى كانت عنوان لتمرير الفساد المقنن داخل الداخلية من تلقى رشاوى و تلاعب بأدلة و ابتزاز المواطنين
والإشراف على التعذيب و تنظيم البلطجية ... لماذا لم تمس و لماذا لو يتم التطرق لتلك المعاهد التى تفرغ علينا أشخاص هدفهم فى دخول
الداخلية هو ممارسة استغلال النفوذ و " التهليب السريع " ؟



- فجأة أصبحت مشكلة قتل المتظاهرين فى الرتب الكبيرة و ضباط الرتب الصغيرة لم تطالها أى تطهير رغم إن بداية الفساد و ممارسة
التعذيب و نهاية بتنفيذ أوامر القتل والتى لم يعترض عليها ضابط واحد على غير موقف ضباط القوات المسلحة الذين انضموا للثورة فى
عزها ... ؟

- هل سيوقف القائمين على كلية الشرطة من مسؤلين و معلمين من إشباع ذهن الطالب بأنه ببدلته الرسمية فوق الجميع ... هذا طبعا بجانب
وجود طلبة داخل الأكاديمية هناك شبه علي سلوكهم الذى يصل لتعاطى الحشيش كأنها هذا جزء من شخصية الخريج ؟

- هل براءة الضابط فقط تقتصر على قدرة النفاذ بثغرات القانون من قتل المتظاهرين ... أم على ملف خدمة قمعى و إفساد الأمن على مدار
خدمته التى تقتصر على لقب " الباشا و البيه و ذل العباد بالبدلة الميرى ... و حصانة الســــــيارة بالأرقام الخاصة و الزجاج ( المغطى
بالتفييم ) ؟

- من الذى لن يفسد المواطن مرة أخرى و يعمل على إجباره على أن يتذلل أمام مخبر و عسكرى و شاويش و أمين و ظابط و قائد و مأمور
سلم من النرجسية الوظيفية التى تربت على منهج ... أعرف من المواطن ( قفاه ) . ؟

- هل سيظل لهؤلاء المحالين للتقاعد أو النقل أو المحاكمة ... مكاتب و قنوات اتصال داخل الوزارة مما يسمح بعودة " بيزنس الخدمات "
و يظل نفوذهم موجود بما يعرقل أى خطط للتطوير المنشود من تحويل الدخلية من خدمة نظام ما إلى هيئة خدمة مدنية ؟

- هل الحل هو تكوين لجان شعبية لحماية أهالى الشهداء من حملات الترهيب والترغيب التى يتعرضون لها من قبل المتهمين بالتزامن مع
مواصلة إطلاق سراحهم ؟

- مذا لو يستطع بيان الوزير بإرضاء ما بداخلنا من تخوف و قلق و إحباط من محاولات الحفاظ المتعمد على العفن المتراكم بوجود جيل من
الضباط تربوا على إخضاع المواطن ... حتى إنهم الآن يدعون الشكوى من سوء معاملة المواطن لهم و كأن فقط حق ممارسة الإهانة
كانت لهم فقط ؟

- ماذا لو قلت كمواطن أنى سأظل على رفضى الكامل و التام لجهاز الداخلية بشكل كامل طالما به ضابط واحد ممن حمل الرصاص
المطاطى و قنابل الغاز و السيارات المصفحة و خراطيم الماء و أخيرا الرصاص الحى .. ضد شعب مصر الذين يدعون اليوم خدمته و
إنهم منه ؟

أرجو أن أجد الإجابة .

صراصير فى دماغ مواطن مصرى - ( 8 )

تمهيد :
قبل 25 يناير
تقرر تشغل دماغك تبقى دماغك أكيد من الهلوسة ( بتصرصر ) ...
و علشان تنول الرضا لازم ( إنك تكبر )
و للسانك الجرئ " تقصر "
و لأننا النهارده
تقرر تشغل " دماغك " تبقى مصرى حر
و بتفكر ...
( و هى دى بقت مصر )
---------------------------------------------------
( 1 )

بنفس الحماس الذى دعت فيه بحرق ( المتظاهرين ) ... ممثلة الدرجة الثانية " سماح أنور " تطرح " نظرية عاطفية " على صفحتها على الفيس بوك .. تقول إنها تم تضليلها و هى فى منزلها لذا قالت ما قالت ... و على طريقة ( تنزيل الدمعتين ) تقول إن سبب
عدم ظهورها عشرين عاما .. إنها لم يكن لها علاقة مع وزراء كبار !
و يبقى سؤال ( بيفكر )
هل كانت تريد بتصريحاتها ( المتعمدة )
أن تعود للتمثيل على حساب - ثورة شعب ؟
هل كانت تدير حملة علاقات عامة مع أحباب النظام على شهداء الثورة ؟
هل تستحق سماح أنور كى ( تحيا ) فنيا فى الوقت الضائع .. أن ( يحترق ) شعب بالكامل .

( 2 )

تساءل الكثير عن سبب تزعم ( نجمة الإغراء ) غادة عبد الرزاق بكل هذا الحماس و الإصرار لمظاهرات ( مئوية ) لدعم الرئيس المخلوع السابق فى الميدان المختطف من ذكرى الرجل العالم المصرى الوطنى ( مصطفى محمود ) .. و جاء السبب بأنها تدين بالفضل لأحمد شفيق و النظام بتعيين ابنتها ( روتانا ) على خطوط الطيران المصرية
فى وقت غرق فيه شباب مصر فى الإحباط و الفراغ و البطالة ..
ليصبح عند غادة ( الشعب ) ... أرخض من ( الضنى ) .
فهل ستتحمل أيضا فى الأيام القادمة
أن يعمل ( الشعب ) فى ارضه و بلده بدون واسطة و هى تمارس تدخين الشيشة ليللا نهارا أمام صورة ( بابا ) ؟

( 3 )

طباخ ( الرئيس المخلوع ) ... طلعت زكريا و الذى كان صاحب أكبر افتراء على شباب الثورة حيث اتهم الشباب بممارسة الزنا و التحرش و المخدرات فى الميدان بعد تكرار الخبر باشال و بطرق مختلفة متضاربة فى روايتها .. مرة يقول تم السماع من أشخاص فى الميدان ,, و مرة إنه نزل بنفسه
الآن يقول .. شكرا ( ذليلة ) أمام كراهية الثوار له ( كأنه الضحية )
و نبفس نغمة ( الدمعتين و الآهيتين ) يقول إنه لو امتنع عنه المنتجون فسوف يعمل حتى لو سواق تاكسى
و مشاركة منا ...
- اطلب التقدم بمعلومات عن سيارة " أجرة " لفنان سابق ( باع القضية ) .. قسط خفيف .. استعمل مؤيد ( لبابا ) ... و تبقى مشكلة من يرضى و يركب معه ؟
( 4 )

لأن التحول ( موضة أسرع من البرق) ... فتحى سرور رئيس مجلس ( الحزب الوطنى ) السابق الذى كان يشرف منذ أيام قليلة على رسالة دكتوراه لأحدهم حول أثر القمع السياسيى و أجهز ة الدولة ... ( تشملل وتعنتر و تغندر و تنجم ) بسؤال لصاحب الرسالة أثناء مناقشة الرسالة يقول فيه
- لماذا لم تتعرض فى رسالتك ( للتزوير ) الذى حدث فى اتخابات مجلس الشعب
الأخيرة ؟
اترك لكم التعليق ..
و اعرض الآن " قطع غيار " لأى مرارة ... تنفجر .

( 5 )

من أبرز مصطلحات التحول
- كنت مضللا = يعنى لا كنت بقرا و لا بشوف و لا بسمع
- إحنا 79 مليون .. مين إل فى ميدان التحرير دول ؟ = يعنى إحنا كنا 79 مليون شبح
- ( أنا مش كنت مختفى .. أنا كنت هنا ) = يعنى يا كنت نايم سعادتك أو كنت فى الحمام ( وقت الثورة )
- ( سيد القوم خادمهم ) = تفسير أمنى لتصريحات مدير أمن ( بعقلية الضرب بالجزمة للمواطن )
- أنا محدش يزايد على مصريتى = بمعنى ( مصريتى ) المستسلمة الخاضعة الراضية المستفيدة ... الساكتة عن فساد شلة ( جيمى و
بابا )
- أنا مكنتش معاهم = بمعنى أنا كان نفسى أبقى لو فى مشهد زى ( أحمد عيد )
- أنا هتنحر لو الرئيس مشى = بمعنى ( المفروض أبقى راجل و أعملها )
- ( تنزيل الدمعتين مع أول كلممتين) = بمعنى " نحنحه مقصودة " من حد قابل ياطاطى للحزب ( الواطى )

هل بدأنا نخون ... الشهداء ؟ - ( لازم اتكلم قبل ما أطق )

ستظل ثورة 25 يناير درسا لكل الديكتاتوريات العربية التى أدخلت نفسها منطقة " التأليه " و تناست أن هناك شعوبا ترغب فى الحياة بحرية و جاهزة أن تدفع الثمن كما فعل ما يزيد عن 340 شابا ( فى عمر الورد ) هذا بجانب تقارير تخرج من مشرحة زينهم تقول إنه مازال هناك 160 جثة مجهولة تبحث عن ذويها لتنضم إلى قافلة الشهداء ... و رغم السعى الحثيث و الصادق منا لعمل نصب تذكارى لهؤلاء إلا إنهم يحتاجون منا أكثر من ذلك ॥ فمع تردد أخبار و شائعات تؤكد أن الرئيس السابق مازال يعيش حياة رئاسية تحت حراسة مشددة من قوات الجيش و يتلقى تليفونات و يأكل الكافيار فى منتجع شرم الشيخ مع أسرته كاملة ... فى وقت بدأت تخرج أصوات و جروبات تطالب ب" جمعة الوفاء " .. و من الولايات المتحدة نجد المبعوث السابق هناك يثير شائعات بمرض ( مبارك ) بما يحقق له مزيدا من كسب الوقت و اللعب من جديد على ( العاطفة ) المصرية .. بما يتضح أن فلول مبارك مازالت تصر على تطبيق سيناريو ( الخروج المشرف ) .. الذى يعبر بحذائه فوق رغبة الشعب فى التخلص من كل ما يربط مصر بهذا العهد و المطالبة بعودة " منتجع شرم " إلى ملكية الدولة و ليس أن يتحول إلى بؤرة ( خارج العاصمة ) لتجميع رؤوس الفساد و تسوية الأوراق و تهريب الثروة و التلاعب بأمن مصر قبل الخروج الأخير ...
فليس من المنطق أن يضع ( رئيس ) كل هذا العدد من الشهداء فى المقابر و نحن نمنحه مكافأة من الاسترخاء و الهدوء بدلا من المحاكمة على تلك الجرائم بينما مازالت أسر و أمهات ترتدى السواد على فلذات أكبادها .
فعلى رغم من إننا يجب أن نحتفل بما حققه هؤلاء الشباب الشجاع لمستقبل مصر و لعدة أجيال قادمة إلا إننا إذا سمحنا ( بمرور ) مظاهرات تأييد مبارك بذريعة الوفاء ॥ ( و إذا كنا لا نعرف على ماذا ؟؟ ) فهذا يعد استفزازا متعمدا يحاول بها مؤيدى ( نظام الفساد ) أن يركبوا موجة الديمقراطية و حرية التعبير عن الرأى التى تنادى بها الثورة ,كما سيحيى هذا داخل الشعب المصرى مشاعر القهر و الغضب من جديد عندما يختلط صوت الفساد و النفاق مع فرحة الحرية ... و هذا ما يجب أن ينتهى و يتوقف عنه أيضا المتلونين فى الإعلام عن الترويج له ।
من حق شعب مصر أن تكون فرحته نقية من أى منغصات من فريق " الفساد " الذى أضاع مصر على يقرب من 3 عقود ... و علينا كشعب أن نجعل حق دماء الشهداء حق أصيل فى كل تصرفاتنا ... و ليس من الديمقراطية فى شئ ىأن نسمح بتكريم ( قتلة ) شباب مصر ... و الحجة هى ( الوفاء )
وهذا لن يحدث فى مصر الثورة

عايزين .. يكرموه !!! - ( لازم اتكلم قبل ما أطق )

انتشر خبر على المواقع الألكترونية عن شاب قام بإنشاء جروب جمع فيه 52 ألف شخص ( حسب الخبر يدعوهم للتجمع يوم الجمعة بعد الصلاة فى ملابس سوداء بهدف تكريم الرئيس المخلوع " حسنى مبارك " !!
و بعيدا إذا كان هؤلاء من فلول الحزب " الواطى " اللاديمقراطى .. و بعيد عن أن هناك من مازال يتحرك فى الكواليس من أجل سرقة أو تحويل فرحة الثورة إلى دائرة العنف .. خاصة بعد ضبط عقيد قسم السيدة زينب بعد أن تسلل إل مجلس الشعب ليحرق أوراقا فى مكتب " فتحى سرور " الذى منع مع صفوت الشريف من دخول مجلسى الشعب و الشورى بعد تهريبهم لأوراق هامة و سرية ...
فهؤلاء ( المؤيدون ) هم من أنصار ...
- ( تنمية ) معدلات السرطان و الفشل الكلوى و العشوائيات و البلطجة فى كل ربوع مصر
- ( العبور ) بأموال الشعب ... إلى خارج الحدود حيث الخزائن السرية
- ( السلام ) ... على حساب ثروات مصر و غاز مصر و سيادة مصر
- ( دعم ) ... الخضروات المشبعة بماء الصرف و أكياس الدم الفاسد و احتكار الحديد
- ( الحفاظ ) ... على مكتسبات الطبقة الحاكمة على حساب الشعب و تضخيم الثروات
- ( شعار ) علشان خاطر ولادك ... ضيعنا التعليم و أفسدنا الصحة و شرسنا " الشرطة "
- ( التاريخ ) ... الذى يبدأ من عند الرئيس و ينتهى عند الرئيس ... حتى أصبح فى عيد ميلاده " صلاح الدين الأيوبى "
- ( صورة و اسم مبارك ) فى الشارع و المدينة السكنية و المصانع و النوادى و الاحتفاليات و الغزوات الدبلوماسية لأنها بقت عزبة بابا
- ( عصر ) .. بيع سيادة مصر باسم الحكمة المبعدية و النظرة الألهية
- ( الرئيس ) .. بعد 30 سنة حكم مطلق أصبح بابا و ماما ... و كل الشعب

قد يتجمع هؤلاء ... أو لا يتجمعون فى محاولة من ( النفس الأخير ) لكن ليلا فى نفس يوم الجمعة يستجمع مرة أخرى ( ملايين ) الشباب فى ميدان التحرير احتفالا بتنفس ( هواء الحرية ) ... و هم عن المنافقين أبقى

أولاد ... الشعب - ( لازم اتكلم قبل ما أطق )

يحاول ( موالاة ) النظام من مستفدين و منتفعين و الذين يعيشون فى ( أبراج عاجية ) شيدوها خلال 30 عاما على حساب معاناة الغالبية العظمى نشر الإشاعات و سيناريوهات التخويف و رفع ( الفزاعات ) من دخول مصر حالة من الفوضى فى حالة غياب رمز " النظام " و كأن مصر 85 مليون لم تنجب على مر 3 عقود - رجل قادر على حكم مصر ... بل أدعى البعض " تكوين " جمعيات ترفع شعار ( الاستقرار ) بحجة حماية مصر .. و خلفها تقف صورة " الرئيس " ... و من يخالفهم يعتبروه على شاشات الإعلام الموالية خائنا بل ورقة تلعب بها جهات خارجية... و تنتشر الإشاعات و الأكاذيب حول وجود دعم أجنبى ( أمريكى - إسرائيلى - إيرانى ) و ذلك لمجرد وجود ( أطعمة و مشروبات ) تحقق حق العيش للمتظاهرين الذين تركوا منازلهم لليوم ال12 على التوالى ... حيث يظن أصحاب جمعيات " الخنوع و العار " أن الإنسان فقط طالماملك سيارة و منزلا و خادمة أجنبية و رصيدا بنكيا و شالية فى الساحل ... لا يحق له المطالبة أيضا أن يعيش بكرامة و حرية و إحساس بعزة بهويته و أن يحقق مصريته و أن له دورا فى العملية السياسية التى تغتصب مع كل عملية انتخابية.

و تارة يعتبرون المتظاهرين " قلة مندسة " و هم ملايين ... ثم نسمع جبناء لا يجرؤن على الإفصاح بحقيقة انتمائتهم لحزب " حاكم " يسقط فعليا يتشدقون بعبارات " غسيل الدماغ " فى مكالمات مسروقة على الشاشات و هم يختبئون فى منازلهم و يتركون " رمزهم " يسقط .. و غدا سوف نسمعهم و نراهم بتصدرون صفوف المهللين للتغيرالذى صنعه شباب مصر الأحرار ... و يحاول البعض ( من أصحاب المصالح ) على إبراز ثورة مصر على إنها ثورة ( جياع ) لا تلقى تأييدا من مثقفى و رموز و مشاهير مصر لذلك أترك لكم صورا لفنانين تسبقهم أعمالهم الفنية المتميزة اختارت جانب متظاهرى الحرية من أمثال ( عمر واكد - خالد أبو النجا - خالد الصاوى - خالد النبوى - عمر الشريف - خالد صالح - سهير المرشدى - حنان مطاوع - منى هلا - شريهان - عفاف شعيب - نهى العمروسى - أحمد راتب - المنتجة / إسعاد يونس - منى زكى - المخرج / عمر سلامة ) ... و الإعلاميين مثل ( سا النقاش - شيرين الطحان ) ... و رجال القضاء ( المستشار / محمود الخضيرى - نائب محكمة النقض - المستشار / أحمد مكى - رئيس محمكة النقض ( أعلى هيئة قضائية بمصر ) - و رجل السياسة السيد ( عمر موسى )

و الكتاب العالميين مثل ( علاء الأسوانى ) و الشاعرين ( الأبنودى - و فؤاد نجم )

فهل هؤلاء حسب جمعيات " الاستكانة و العار " ... عملاء ؟ ... أم مخربين ؟ ... أم لا يملكون القدر الكافى من الثقافة لاختيار الجانب الصحيح ؟ ... أم إنهم قرروا أن يضحوا بتاريخهم مقابل " وجبة كنتاكى " تأتى بها " جهات خارجية " .. أو جماعة الإخوان ؟

فقولوا كما تشاؤون .. فالنهار اقترب .

و سوف نراكم لنا تهتفون .

انفراد ... مدونة طريق البارون تعرض وثائق سرية تكشف قمع نظام بن على

المادة التمهدية : المؤلف + موقع مصراوى

بعد ثورة التوانسة، ظهرت وثائق عديدة تكشف صوراً من القمع والاستبداد الذي كان يمارسه نظام الرئيس المخلوع زين العابدين بن علي ضد من كافة الإسلاميين الذين وصفهم نظام بن علي بالمتطرفين والمتعصبين، حتى بات كل من يحرص على أداء واجباته الدينية متهماً بالتطرف والتعصب الديني ووصل الأمر إلى أن الفتاة التي ترتدي الحجاب والشاب الملتحي أيضا ضمن المتطرفين من وجهة نظر نظام الرئيس المخلوع وأجهزته الأمنية.
الوثيقة الأولى :
اعتقال فتاة تونسية من قبل قوات الأمن العام و التهمة ؟؟؟ ... الفتاة تواظب على أداء فروضها بانتظام و ترتدى الحجاب و الذى اطلق عليه نظام " بن على " ... ( الزى الطائفى )
الوثيقة الثانية :
أجهزة تراقب المساجد و المصلين و من يخطبون فى صلاة الجمعة ... و يتم على أثرها تصنيف المواطنين
الوثيقة الثالثة :
أمر اعتقال لمجموعة من الشباب التوانسة و التهمة ؟؟ ... ملتزمون دينيا
الوثيقة الرابعة :
عن إدارة الملكية العقارية بسوسة، تم الكشف عن أنه في 10 يناير الجاري، قبل هروب بن علي بأربعة أيام، تم تسجيل عقار تبلغ مساحته 13844 متر مربع بمدينة سوسة باسم الطفل محمد زين العابدين بن زين العابدين بن علي ''ست سنوات'' نجل الرئيس المخلوع.

و يبقى نفس السؤال ...

كم عدد الوثائق السرية التى توجد فى الدول العربية ال21 الباقية ؟؟

... فتونس .. استقلت

صراصير فى دماغ مواطن مصرى - ( 7 )

تمهيد :
فى بلاد ( بره ) ... تشغل دماغك تبقى ( بتفكر ) ... بس هنا يبقى دماغك أكيد من الهلوسة ( بتصرصر ) ...
و علشان تنول الرضا لازم ( إنك تكبر )
أو تختار إنك ( تعقلها ) و تفكر
و يهمكش لو قالوا دماغك ... مضروبة بـــ ( صراصير )
ميهماش لا صغير و لا كبير
بس ف الأخر تقول ... و أنت حر


( 1 )
كشفت الأخبار الأخيرة القادمة من " تونس " بعد ثورة ( الياسمين ) ... أن سيدة ( تونس ) الأولى – سابقا - كانت قد بدأت تخطط فى الاستيلاء على السلطة من زوجها عام 2013!! ... الذى باع كل البلد .. لها و أهلها من عائلة " الطرابلسى "
ليصدق المثل الشعبى المصرى القائل ... " واحد تنتون ... و التانى تنتن ... "
و اترك لكم بقيه المثل .

( 2 )
موضة تحتاج العالم
- بوش الابن - يحتاج العالم بحجة " وازع دينى "
بابا الفاتيكان يخرج من فترة لأخرى بتصريحات ضد الإسلام بحجة " وازع دينى "
مجموعة " أشباه بشر " تهاجم دور العبادة و تسقط قتلى بحجة " وازع دينى "
و أخيرا ...
السبكى يصرح بأنه انتج " فيلم ( بون سواريه ) ...بوازع دينى !!!
و لم يحدد كل ما سبق هل يقصدون بأفعالهم ممارسة دين ( بكر ) و لا ( خزاعة ) ؟


( 3 )

شباب مصرى فى الأيام الأخيرة اختار من الموت مشتعلا كوسيلة احتجاج على أوضاعهم الاجتماعية و الاقتصادية ... لعل يجدوا بموتهم من يهتم بهم .
و من بين هؤلاء الشباب شاب اسمه ... ( مسعد سعيد ) !!
صحيح الأسماء فى مصر مازالت ( ببلاش )

( 4 )

فجأة ... رؤساء الدول العربية يتسابقون على تقديم و توفير بعض الخدمات و الإغراءات التى من هدفها بث الراحة فى نفس المواطن العربى .. فى بلدان مثل سوريا و الكويت و الأردن و مصر .. " خوفا " من تكرار نفس سيناريو ( تونس ) .
فمن الواضح أن " ثورة تونس " ... جعلت ( قادة ) العرب يطلون من نوافذ ( القصور الرئاسية ) .. لتدهشهم المفاجأة .
" هناك شعوب مازالت ... تعيش " .

( 5 )

وزارة البترول فى مصر التى تصنف أكثر الهيئات فى مصر استخداما للواسطة و تلقى الرشاوى من أجل تعيين " شاب " ... ببركات " ثورة تونس " وزير البترول المصرى يقبل تعيين ( جميع خريجى كلية الهندسة و البترول ) بعد اعتصامهم أمام مبنى الوزارة ... لأنهم حسب التصريح الرسمى الذى اكتشف أخيرا ... إنهم ثروة قومية .
فلماذا كانوا قبل أيام فقط ... مجرد " ثروة " زائدة ؟!
و لاتتعجب ... فهذه مصر ( الوطنى ) .

كاميرا خفية ترصد ردود أ فعال الأمريكيين حين تهان امرأة مسلمة

فى بلدانا العربية ... هناك
من يحاول أن يقنعنا بأن الشعب الأمريكى ليس مثل الحكومة الأمريكية
من يحاول أن يقول حرب أمريكا ليست إلا من أجل النفط .. و ليست دينية
من يحاول أن يقول أن أول من يقابلك فى أمريكا .. تمثال الحرية
من يحاول أن يقول أن أمريكا .. لها قيم و أخلاق و ديمواقرطية

أهدى لهم هذا الفيديو

إنفراد ... وزراء على ( مقصلة التغير ) - لازم اتكلم

فى أى بلد ( غير ) مصر ... لما يتم تغيير وزارى فهو يكون طبقا ( لرؤية ) كاملة شاملة ترتبط بمصلحة الشعب أولا ... لكن لأن فى مصر ( التغيير ) يكون بهدف عمل شوية " فريش " بعد أى أزمة يتم الحاجة فيها ل ( لكبش فداء ) ... لسياسة أكبر .
و لا يوجد فى مصر قبل أن نغادر عام 2010 ما يستحق من تحويل مسار ( الغضب ) الشعبى من انتخابات ( مجلس ) لا ينوب فى أغلبه عن الشعب .. إلا ( تسريب ) إحدى الجرائد القومية خبر بوجود تغيير وزراى ... و بدأت الأسئلة
- يا ترى ( نظيف ) كده خلاص ... و لسه لسه قاعد ( ينضفها ) ؟
- مين صاحب ( الرضا ) ... ؟ مين إل راح منه ( الرضا ) ؟
- يا ترى نعمل حكومة " رجال أعمال " .. و " تكنوقراط " ... و لا ( مفيش فايدة ) ؟
- يا ترى إل فات ( مات ) ... و لا إل جاى برضه من ( بطن ) إل فات ؟

و هكذا ...
باتت شوارع مصر تنتظر من يأتى و من سيذهب ؟ ... ولأن الشعب المصرى يحتاج إلى أى ( أمل ) .. فهو يتحدث و يتمنى و يتوقع ... و أحيانا ( يفتى ) .
و معها الجرائد و المواقع الألكترونية التى طرحت أسماء كثيرة ... من أهمها .

(1 )

أن ينتهى عصر " نظيف "... و يبدأ عصر المهندس " أحمد عز " الذى يتوقع أن يقوم ( برفع ) مؤيديه على ( أساس ) متين ... فى مقابل ( صهر ) المعارضة ... و أحيانا الشعـــــب الذى ( يحتكر ) حق التصرف فيه .

( 2 )
وزير الإعلام ( أنس الفقى ) الذى تعرض لهجوم شديد من قبل السالف الذكر ( عز ) الذى اتهم الأول بأن ( فشل ) فى تسويق انجازات ( الحزب الوطنى ) لفترة ال5 سنوات الماضية .. !!
رغم أن الطريق الوحيد للتصديق هو عمل ( أحجبة و أعمال ) أو تدويب ( حاجة صفرا ) فى ماء النيل .. حتى يصدق 80 مليون ( بعد خصم 3 مليون مستفيد من حزب الوطنى ) ... بأن مصر 2005-2010 عرفت انجازات ( وطنية ) .

( 3 )

وزير التربية و التعليم د / أحمد زكى بدر ... ( شرطى التعليم ) ... فمع فكرة يلا نضم الوزارة مع التعليم العالى ... فسيصبح وزير بلا ( وزارة ) ... محققا مقولة يا بخت من كان فى مصر وزير ... و خفف .
و خلى الناس تاكل ( عيش )

( 4 )

وزير النقل - م/ علا ء فهمى الذى ورث وزارة ( ملبسة قطرين ) و ظن الجميع بأنه قد يأتى بحل .. و لأن النقل فى مصر خارج ( التاريخ ) .. يا دوب سلم كام قطر وعمل كام إعلان .. و من تانى مشاكل فساد و ارتباك و هجوم ... و الزمن كان " سنة " !

( 5 )

الوزير ( المحصن ) فاروق حسنى – وزير الثقافة الذى من الواضح إنه " فوق " أى أزمة مهما كانت تم ذكر اسمه على استحياء ... لعل و عسى يأتى قرار بالتغيير أمام انجازات ( موثقة ) فى الإهمال – و الفساد – و فشل - و ضياع ثقافة مصر " عمليا "
لكن " مازال " ... مستمرا !!

ثم استكملت القائمة بـــ
- وزير الأوقاف ( الفريش خالص ) !
- وزير التضامن ( الذى لم يتضامن لو لمرة فى طابور للعيش )
- وزير الإسكان و المرافق ( إل الظاهر خلاص عملهم )

أما .. وزارة العدل – الدفاع – الداخلية ( فهم خارج المنافسة ) و لا تستدعى أى ( تعكير ) لفكر سيادة الوزير

أما نحن كشعب مصرى ... فالحل
إما أن ( نصبر ) ... أو ( انتظار أى شئ يتغير ) فى دولة ( ديموقراطية )
لا يستطيع أحد التكهن بشكل قاطع عن فكرة التغيير الوزاري، حيث أن الوزير نفسه لا يعرف لماذا تم إعفاءه من مهامه الوزارية أو لماذا تم تكليفه بها من الأساس!".

و سمعنى ..
اتيت لا أعلم أين أتيت !!

صراصير فى دماغ مواطن مصرى - ( 4 )

تمهيد :
فى بلاد ( بره ) ... بره ( مصر ) تشغل دماغك تبقى ( بتفكر ) ... فى مصر ( تفكر ) يبقى دماغك أكيد من الهلوسة ( بتصرصر ) ...
و علشان تنول الرضا ( إنك تكبر )
أو ترجع تفكر
وتبقى دماغك ... مضروبة بـــ ( صراصير )
ميهماش لا صغير و لا كبير
وتعيش حر .

( 1 )

فى محاكم مصر يعرف القريب و البعيد أن هناك قضايا ( لمواطنين ) تصنف عمليا و حياتيا بالمصيرية مازالت تقف فى طابور الانتظار ( تنتظر ) رضا قاض " نزيه " لتصبح قرار قابل للتنفيذ .. كما أن المتعاملين مع الحياة اليومية فى المحاكم يرى و يعرف أن مقابلة " وكيل النيابة " .. مش بالساهل كده .
لكن من مفارقات عدالة مصر ... شركة انتاج لأحد مسلسلات الممثلة ( غادة عبد الرازق ) تقدم دعوى ضد الممثلة لإخلالها بشروط التعاقد ( كما يدعون طبعا ) .. ينتفض كل شئ .. النيابة بعد 48 ساعة تطلب الاستدعاء للمثلة لسماع أقوالها لسرعة البت فى القضية !! ...
و كمواطن ( بيصرصر ) .. أقصد يفكر .. لازم نسأل
- هل المسلسل يحمل هدف ( استراتيجى ) لهذه الدرجة لا تستوعبها دماغ المواطن المحروق
على حقه ؟
- هل سرعة الاستدعاء ترتبط طرديا برغبة ( وكلاء النيابة ) بتغير " مناظر " ؟
- هل تم الاتفاق على ( ابن المحظوظة ) الذى سيتولى التحقيق و التبحليق و الفحص ؟
- هل سنرى خبرا يقول / غادة تتوجه " للنيابة " بفستان ( موافق ) عليه رقابيا ؟
- هل سيتم استدعاء غادة فى فترة النيابة " المورننج " .. أم النيابة " البون سواريه " علشان الهنص فى الدانس والشبك مليان قرص ؟
و ياريت مصر كلها ( غادة )

( 2 )

تتوالى الاعترافات من دول أمريكا اللاتينية بداية من ارجنتين و بوليفيا و فنزويلا ... و غيرها من دول لم تبتلع ( الطعم الإمريكى ) و الابتزاز ( الإسرائيلى ) بدولة فلسطينية فى حدود 67
و عاصمتها ... القدس الشريف .
و رغم ذلك يظل هذا الاعتراف غير مؤثر بالدرجة التى قد تدير عجلة التاريخ لصالح فلسطين
لكن فى ( المطبخ الدولى ) مازالت الدول الأوربية تقول الاعتراف بدولة فلسطينية ( لسه بدرى عليه شوية ) ... و ماما أمريكا ( تعترض ) .. و إسرائيل تشعر ( بالإضطهاد ) و تقول هذه الدول باعترافها تضر بعمليه السلام !!
و أنا كمواطن ( عايش بالقضية ) .. قررت أفكر
- بما إن كل زعماء العرب قبلوا بفلسطين هى دولة فى حدود 67 ... إذن مذبحة " دير يا سين " سنة 48 داخل فلسطين 48 نحطها فى كتب التاريخ فين ؟
- بما أن زعماء العرب ( المعتدلين ! ) يؤمنون أن رجوع فلسطين فعلا يأتى مع اتفاقيات ( اوسلو )... إذن لماذا يتم تدريس معارك ( عين جالوت ) و ( حطين ) ؟
- هل سيوجد فلسطين 48 ... فلسطين 67 ... فلسطين 2020 ... فلسطين 2040 ... مع استمرارمباحثات ( شبر بشبر ) .. حتى القبر ؟

( 3 )

نجوم السينما العالمية فى هوليوود و بولييود " السينما الهندية " نرى أكبر النجوم شهرة و قدرا و قيمة يظهرون فى مجال الإعلانات فقط مع الماركات العالمية التى تستفيد من شهرتهم و كذلك تحفظ
( مكانتهم ) فى عيون معجبيهم

لكن مؤخرا " تهاتف " نجوم مصر على إعلانات ( مواد التنظيف ) بداية من عبلة " برسيل " و رجاء " فيرى " و أشرف " بريل " ... و أخيرا المذيعة " مفيدة شيحة " مع إعلان مسحوق تايد حيث تكشف بالتجربة العملية ( الملحمة السحرية ) للمسحوق
و يبقى السؤال ..
- هل قبول ( نجوم ) مصر هذه الإعلانات نتيجة واعز دينى بأن النظافة من الإيمان و هذا يعتبرإعلان فى سبيل " الدعوة " ؟
- بعد إعلانات " اتساخ " الأطباق ... و " مغ " الملابس بالمساحيق السحرية هل سنجد نجومنا يقدمون إعلانات .. للداية و المشطة و

البلانة ؟

( 4 )

من انجازات مصر قبل نهاية عام 2010 ... سقوط جاسوس مصرى ( جديد ) بتهمة التخابر مع الدولة الجارة و النية المكارة " إسرائيل " .. و نحن نتغنى بعصر السلام !!
و تم فتح النار على ( الجاسوس و إل جابوه ) ... و تم منحنا دروسا فى الوطنية لتراب مصر
وهو يستحق .
و لكن ...
أنا كمواطن ماذا أقول عندما يطل عليا " النتن " ياهو ... يصافح المسئول المصرى 1 .. المسئول المصرى 2 ... المسئول المصرى 3 ... المسئول المصرى ... 100
في فيلم " القاهرة – شرم - تل أبيب " . ؟

- بعد الفيلالى – و مهندس الهيئة الذرية - أشرف مروان - يأتى مدرب ( الكونغ فو ) كعميل مجانى لإسرائيل ... و مازالنا نقول ... " معاهدة "
فمتى نقول ... ( بلاش بقه غباوة ) ؟

- من الواضح بهذه الطريقة أن فى سجون مصر بعد الغاء حكم الإعدام للجاسوس أصبح لدينا نادى" يالا نخون مصر "... فمتى سيظهر العضو الجديد ؟

مصر 2011... دولة براسين .

انتهت ( زفة ) الانتخابات بالنسبة للمواطن البسيط ... و ( خديعة ) الانتخابات بالنسبة للمعارضة ... وبدء موسم ( أكل التورتة ) بالنسبة للحزب ( الوطنى ) الذى اجتاح مقاعد مجلس الشعب دون ( إرادة الشعب ) ... بعد أن جلست رموز المعارضة بمختلف طوائفها فى البيت يشاهدون " توالى ترديد القسم " الموالى مسبقا ...
إلا من بعض ( التواطئ ) من معارضة " شكلية " يقودها حزب خرج عن ( تجمع ) مقاطعة الانتخابات فى مرحلة الإعادة ... و يسمى " التجمع " !!
رغم قرارات المحكمة الإدراية التى حكمت ( بشكل نهائى ) ببطلان الانتخابات ثم المجلس .. و بالنسبة للأمن .. تظل هى قرارات ( حبر على ورق ) ... و تشكل المجلس ( الموقر ) .
و انقسمت سياسة مصر ...
و شاشات قنوات تليفزيون مصر
و أحلام مواطن مصر
لتدخل مصر بشعبها عام 2011 ... ( مقسومة ) براسين .
برلمان يدعى الشرعية و النزاهة و إنه يسعى لتطبيق برنامج " علشان مستقبل ولادك " .. و فى الشارع ردد ما يقارب من 120 عضو مجلس شعب ( سااابق ) اليمين كبرلمان ( ظل ) يحاول أن يسقط البرلمان إل سرق ( النور ) ...
و على شاشات التليفزيون المصرية و العربية .. الشاشة مقسومة ( اتنين ) قسم ( لوجوه ) تستفز المستمع بنتائج و إحصائيات و نجاحات باسم ( الوطنى ) ووجوه ( تغلى ) من منطقة الصفر التى لم تغادرها مصر منذ 30 عاما ... و ستتواصل ( حسب التوقعات الإجبارية ) لدورة أخرى قد نحصل فيها على لقب " الرئيس الراحل "
و ينقسم بعدها الشارع
( لافتات ) بصورة ( مرشح ) التوريث تحتل الميادين من الآن غير قابلة للمس ... و ( لافتات ) تقول ( لااااا ) ... يتم ( تسويدها ) من غير صوت و لا حس .
و ينقسم المواطن ...
الذى يحاول أن يصدق ما يقال عن الدستور والمواطنة و الديمقراطية ... و أخيرا الآدمية
البعض يعتقد أن الأقرب للسلطة ... قد يحقق جزءا من أحلامه
و البعض يعتقد أن الأبعد عن السلطة ... لديه حلم التغيير
و تنقسم مصر ...
حزب مطلق حاكم ... و حزب معارض مضطهد نايم
صوت بيأيد ... و1000 صوت ( مقيد )
حلم مصرى نظرى ... و قمع أمنى ( حصرى )
مواطن فى ( الرحاب ) ... مواطن ( عيشته ) هباب
رئيس حالى ... و رئيس ( قادم ) / حالى
و ننقسم
و ننقسم
و ننقسم
و ننقسم
و موعدنا ( انتخابات ) الرئاسة لــــ 2011 !!

كشف أسرار اللغة السرية لشباب مصر - ( لازم اتكلم قبل ما أطق )

... " اللغة " كل فترة بتتغير

لكن مع انتشار " حرب " الأفيهات فى موجة الأفلام الجديدة و التى قادها عم الكل " اللمبى " ليصبح كلام الشباب فى مصر أشبه بلغز ( مشفر ) .. يحتاج التحديث أو " كتالوج " متابعة ... لأن كل مجموعة بقه ليها كلامها و تقسيمها و بقت الجملة .. " فرعونى " أخر حاجة . لا ينفع معاها قاموس أو مجمع . و من غيرها تبقى شاب " سيس واقع من النتيجة و متأخر و فايت عليك قطر " ملح " محنطك "...

ولأنى خايف على شباب مصر من التحنيط ... و كواجب وطنى من ( الحتة إل جوه ) ... قلت أجيب لكم كلمتين يمكن ينفعوكوا فى ومن الفرانكو آرب - و العربى " المفروم " .. و الكلام إل ملهوش لزوم

يبدأ يوم الشباب عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة وهى عن مكان تتوافد إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها
يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك )) أو حتة (( شامبو )) يعنى ريحتها حلوة ومستحمية
ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى " سلعووه" ))
ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!
ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى (( بيئة ))....
وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))
وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...
ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....
وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف ((
الموكوس )) الغلبان ....

خلوا ا بالكم يا شباب من المصطلحات اللى جاية دية للأهمية القصوى عندما تقول لها صديقتها انك
تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ...
تس تس )) يعنى رزل وممل ... (( شامورتى )) يعنى خنييق ..


(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!
ولو الولد تعبان فى المذاكرة يعنى (( جايب جاز والشراب هوى ومتخرتق )) !!!

وأكثر مصطلحات متداولة هذة الايام

(( العب باشكا )) يعنى العب على المكشوف !!
(( حطيت إيدى على البلف )) يعنى فهمت الموضوع !!!
(( أدعك الفانوس دلوقتى )) يعنى ممكن تمشى وترحل !!!
(( أرحلك )) أخرجك من الشلة !!
(( الجوند )) فلوس !!
(( مكيش القفف )) معاه فلوس كتير !!
(( يا صباح المظلات )) للمتقدمين للكليات العسكرية !!
(( فهمـى )) يعنى نفض وكبر الجمجمة !!!
(( أحلق )) طنش !!!
(( انت حتزاولنى )) انت حتشتغلنى !!!
(( مهييس )) عامل دماغ وطاير قووى !!!
(( يا صباح اللى بتغنى )) صباح الخير !!
(( يا مساء الليل )) يعنى يا مساء الخير !!!
(( فوكك )) سيبك من الموضوع دة !!!
(( أراك أمس )) يعنى مش عايز اشوفك تانى !!!
(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!
(( كل معرفتى بيه .. هاى باى )) يعنى مش صاحبى قوى !!!
" الداى " ... يعنى اليوم

" فاكس " .. يعنى حوار ملهوش لازمة أو بايظ

(( شوليطى . موليطى )) يعنى مش معايا فلووس .. مفلس !!

... " باراشوت ... و ده لفظ على شاب يستغل الناس

و مقضيها " حملجة " ..

" رامى الجته .. اسم على الشاب الثقيل عديم الإحساس

ومن مصطلحات الاغانى المنتشرة بكثرة هذة الايام الاتى :

(( انا رايح ألعب مع روبى )) يعنى انا رايح الجيم !!!
(( تعالوا نحصل ماريا )) تعالوا نلعب شوية !!
(( انت بتقلد روبى ؟ )) يعنى بتخبى وبتدارى !!
(( أنت كدة تعجب بوسى سمير )) يعنى انت حطيت النقط على الحرووف !!


و طبعا هنواصل تكوين القاموس " الشنكوتى " للغة السرية للشباب مصر

المتشفر حتى فى لسانه

صراصير فى دماغ مواطن مصرى - ( 3 )

( 1 )

بفعل فاعل سرقت .. لوحة زهرة ( الخشخاش ) من متحف الفنان محمود خليل و حرمه لتضيع على مصر فى عهد وزير الثقافة " المحصن " ثروة فنية من روائع الفن العالمى للفنان العالمى " فان جوخ " و شوهت على مصر سمعتها فى حماية التراث العالمى و أيضا فقدان القيمة الاقتصادية للوحة التى تقدر بـــ 50 مليون جنية و إل بقت " رزق " إل سرقها " نتيجة إهمال أمنى و ثقافى لم يسبق له مثيل ... و لأن فى وزارة الثقافة مع كل " مصيبة " يطبق الوزير نظرية " إن جالك الطوفان حط ابنك تحت رجليك " .. هذه المرة كان اسم " وكيل أول الوزارة لقطاع الفنون التشكيلية

( محسن شعلان) هو " إل شال الليلة " .. و بقت الحكاية سين و جيم و نيابة و أخبار رايحة جاية و تصريحات من نوع " نشر الغسيل " بين الوزير و الوكيل ... وصلت إل تصريح الوزير بعدم عودة " شعلان " لمنصبه حتى لو حصل على البراءة

و لأن فى مصر انقلاب كل شئ .. ممكن . ( بزاوية 180 ) درجة .. حصل شعلان على البراءة " طبعا " ثم مقابلة شخصية مع الوزير ( نفسه ) ليصبح شعلان من مدة لا تزيد عن شهرين من متسبب فى " خسارة فنية و مالية هامة " لمصر إلى الشخص بمنزلة الأخ للوزير – و الفنان الموهوب و صاحب التاريخ فى الوزارة !!

أما شعلان .. فقال ( بابتسامة طول بعرض ) .. إنه يرى تلك الأزمة من منظور الفنان !

ويبقى ( الشعب المصرى ) لا يجد لنفسه أى منظور يرى به ( فضيحة ) فيها الفاعل مازال مجهولا .. ولا مسئول واحد عن جسامة الإهمال " لأن ساعة القدر يعمى البصر " .. و تم " التظبيط " و مواصلة " التربيط "

فى وزارة لها تاريخ " أسود " مع ضياع تاريخ مصر

و ربنا يعوض على مصر

و يكفينا كشعب من لوحة زهرة الخشخاش أن " نشم " الخشخاش حتى .. ننسى .


( 2 )

من الواضح أن فعلا " مصائب قوم عند قوم .. فوائد " .. فقد كان فى مصر لعهد قريب يتم استخدام " الطماطم و البيض " فى الاعتراض و إبراز مدى الاستياء ضد شخصية ما .. لكن فى العد ( المبارك ) أصبح " تعاطى " الطماطم التى وصل سعر الكيلو فيها إلى 16 جنية .. رفاهية لأكلها - وجنون مطلق لمن يقذف بها

و بهذا نجى الكثيرين من " أصوات النشاز " و " مسؤلين أبراج العاج " من تعبير الشعب على استيائهم

بالطماطم
ورحم الله " عبد الحليم " الذى غنى " صا فينى مرة و جافينى مرة " فغادر المسرح " مرجوما " قذفا بالطماطم فى عصر " عبد الناصر " . و هو عصر لن ... يعود .

( 3 )

الانتخابات " حرة " .. الانتخابات " شفافة " ... لا للرقابة الدولية فالحزب الوطنى يصر على انتخابات " نزيهة " .. و لأن خالتى " نزيهة " دائما فى الحزب الوطنى غير " نزيهه " ... مع اقتراب – ما يسمى مجازا " انتخابات مجلش الشعب " – بدأنا نرى تحذيرات أمنية لأصحاب المطابع بعدم طبع أى مطبوعات لحزب الوفد و مرشحيه ... و هو الحزب نفسه الذى خالف مجموع ( المعارضة ) التى قاطعت الانتخابات .. " فالمجلس القادم .. باين من عنوانه "
فعلا ... سيكون هناك " مجلس "
لكن عن أى " شعب " ... ينوب ؟
نواب – مجلس " الشغب " ؟

( 4 )

أخيرا ... حرس الجامعة " قضائيا " خارج أسوار الجامعة ليعود استقلال الجامعة المصرية بعد عهد من تحكم السلطة الأمنية " للداخلية " فى مسيرة و فكر الجامعة .. و" نظريا " بهدوء أعلنت وزارة التعليم العالى رغبتها فى تنفيذ القرار .. و " عمليا " اجتمع " مجلس الوزراء برئاسة " النظيف " لتطهير القرار من معناه الرئيسى و سننتظر فى الأيام القادمة ..

- أبواق " خائفة " من أن تفقد مميزاتها المأخوذة بسيف الأمن تطالب باستمرارالحرس
- إلتفاف " الداخلية " على القرار بتقديم ( ظباط فى الخدمة ) على هيئة شركات أمن خاصة
- امكانية اقتراح استخدام " طلبة " عيون للمراقبة و أيادى لكتابة التقارير
فالجامعة فى مصر ... قضائية حرة و نظريا يحترم القضاء وعمليا " تكية " لن يتنازل عنها الأمن بسهولة
و بيننا الأيام .

( 5 )
بالاسم فقط .. بات شباب مصر يدعى الشهامة ... و يدعى التمسك بالأصول ... و أخيرا يدعى الرحمة
فبعد أن تصدرت جرائم " شاذة " وجهات الصحف المصرية من قتل أب لأبنته – اعتداء جنسى من أب لابنته – قتل أم لابنها – قتل ابن لأمه – اغتصاب ( بالجملة ) حتى أصبحت من كثرتها أخبار ( عادية ) تقرأ بنصف عين .. لكن مع حادثة قتل " لص " لزوجين مسنين ( 74 و 67 سنة ) – ( مكفوفين ) بدافع السرقة رغم توفر له أكثر من بديل بدلا من انهاء حياتهما قتلا .. نصل إلى " حقيقة " أن فى مصر " وحوشا بشرية " .. تتكلم و تتنفس و لها شهادة ميلاد
تنتظر ( أمن حقيقى ) يساند عدالة حقيقية .. تعيد صفة البشر
لشعب مصر

و الله و (ماعمالوهاش ) الرجالة - ( لازم اتكلم قبل ما أطق )

مرة واحدة .. ( طلعت ) فى دماغ شوية ( مستوطنين يهود ) إنهم مع طلعة شمس 6 أكتوبر 2010 .. كل واحد يقف منهم على الحدود المصرية – ( عفوا ) الإسرائيلية بعلم – ( عفوا ) إسرائيلى والهدف فيهم واضح .. ( شتيمة ) مصر ... و نرفزة ( جنود مصر ) ... و الجيش بتاعهم طبعا عامل مش شايف .. مش سامع ( كالعادة ) .. و السبب أن مصر بتحتفل بــ 6 أكتوبر .. يعنى يا جدعان بعد 37 سنة لسه ( وجعاهم أوى ) .
ولأننا بقينا من بتوع بالسلام .. إحنا بدينا بالسلام .. جت الأوامر ( بضبط النفس ) لجنود مصر للمرة الـــ1000 من تاريخ المعاهدة .. بس اللافت للنظر أن ( قطعان المستوطنين ) شباب ( ورور ) بكل تأكيد لا عاش و لا شاف ... لا أكتوبر ولا كيبور و لا حرب عيد الغفران ... بس واقفين ( فاهمين عارفين ) إن ( سينا ) فى تاريخهم .. أول هزيمة ( مرمطة ) .
قلت يبقى ( يا جدعان ) السنة دى لازم نفرح أكتر .. و أكتوبر السنة دى لازم ( يولع ) بمظاهرة ( فرح و نصر ) من شباب ( متلفح ) بعلم مصر ... و ضارب على وشه ال 3 ألوان علشان يعرفوا إن فيه شاب ( حى ) بيعرف يرد على ( المقهورين ) .. و انتظرت حاجة تعدى .
- مستنى واحد بياع ( أعلام ) يعدى .. !
- مستنى أسمع أغنية ( و الله عملوها الرجالة ) من أى عربية !
- مستنى أشوف " جحافل " الطبول بتردد و إحنا معها تا – ترات – تا ... مصر . !
- مستنى ( أنزل ) أشوف شاشة فى ميدان ... بتقول لكام ( جيل مصرى ) إحنا أهوه .. خليكوا
فاكرين .
بسسسسسسسسسسسسسس
الدنيا كلها ( سمع هس ) ... الكل بيطبق نظرية ( ما خلصت بح ) ... عيش يوم ( أجازتك )
شوف ( موزتك ) و بوس إيد ( حماتك ) ... أو ( انتخ ) و ريح العضمتين الشقاينين .
علم مين ؟
حرب مين ؟
مظاهرة مين ؟
... ده الرجالة ماتت فى 73 .
و على الردود .. راح تسمع 100 رد ( جاهز و متعبى )
لأن مصر 2010 ... برضه مصر عبرت مرتين .. مرة فى موقعة أم درمان و كانت ملحمة
( المنتخب المصرى × المنتخب الجزائرى ) .. و أخيرا ..موقعة ( ستاد القاهرة ) لما قدرنا نوقف ( غزو ) الألتراس ( التونسى ) .. و حقـــقـنا النصر و الدنــيا اتضربت أحمر × أحمر
يعنى مصر دايما ( من نصر لنصر )
يبقى فيه إيه ؟؟
علم مين ؟
حرب مين ؟
مظاهرة مين ؟
... ده الرجالة ماتت فى 73
و خصوصا لما الكورة فى مصر بقت بتفك أزمة الدستور .. الكورة فى مصر ( بتحقق ) كل يوم عبور بقاذفات " أبو تريكة " و مدفعية " وائل جمعة " و صواريخ " أحمد حسام " ... و كفاية علينا ( طلة ) أونكل ( جمال ) و أبيه ( علاء ) ... شايلين كاس النصر .
هنا وبس العلم المصرى ( المستحى ) طول السنة يطلع و يرفرف ... ولو كان تمنه 50 جنية .. أما حرب و شهدا و نصر حقيقى - " فكك بالبنط العريض " و يا بخت من ( زار و خفف ) .

رغم إن ( ماما ) أمريكا ... سرقت أرض و دبحت شعب و بعدها عملت عيد و قالت ده (ااستقلال )..
( إسرائيل ) سرقت و بتسرق أرض .. دبحت و بتدبح ( شعب ) و برضه عملت عيد و قالت ده (استقلال ) !! ...
و مع شوية ( أعلام و أفلام و تى شيرتات و حكايات ) .. بقه ليهم تاريخ ( بلوى الدراع ) ولازم الكل يقول .. ده استقلال .
و أديها احتفالات( حقيقية ) للصبح ..

أما دولة زى مصر رصيد ( تاريخها ) المجمد بس قدامه 3 أصفار .. وعندها نصر ( حقيقى ) ... بنلخصه بالكامل فى ( شوية (ذوووكريات – و فيلمين متحنطين و شوية أغانى ) .. لأن مصر 2010 - ليها فكر تانى .
( متشعلق ) فى كاس الأمم و أبطال أفريقيا و السوبر .. و أزمة الزمالك و قضايا ( مرتضى )
و عصبية ( حسام ) .. و تسخين ( مدحت شلبى و خالد بندق )
و يالا اقرا الخبر ...

طيب فين علم مصر إلى عبر القناة ؟؟؟

دور هتلاقيه .. خيال بعيد فى عيون ( عيل بمريله ) – نعسان بيسأل باستغراب .. هو التلت
الأخير من العلم .. بيزيد ليه ؟
وتا – ترات – تا ... مصر .

راح أهتف لوحدى