بمنتهى كل كلمة ممكن تتقال ... إنك تقول لحد ( بحبك ) دى اسمى كلمة ممكن .. تتسمع ... تتحس .. تتقال .. لأن بعدها بتتولد دنيا لازم تكبر و أبدا ما يمسها زوال ... تروح و تيجى ... تدبرها أو تخليها زى ما تيجى بس لازم تلقى جوه نفسك إجابة لكل سؤال ... لأن فى لحظة ممكن ( حبك ) على قلبك يبقى ( صخرة بلال ) .
سؤال بيولد ألف سؤال .. و حبك ( بألمه ) يختار الترحال .. و تبقى كلمة ( بحبك ) مجرد ( زواق ) يتقال ... و قلبك راح تسكنه صحرا بكل ألوان ( المحال ) .. و كل شئ يدوب مع حبيب بألف ( وش ) ... يقولك أنا دينى الصدق .. و هو بألف اسم و ألف فعل نازل فيك ( يغش ) ... و تكون إنت فى نظره كمان ( متهم ) بأنك ( محترف غش ) !!
بس لأن ربنا ... علام غيوب .
إنت يا دوب .. ( تطلع ) بنفسك و ترجع لأصول نفسك
حتى لو فى كل الطريق ( الأذى ) مسك
بأول سؤال ... لازم يتقال
( أنا حبيت حقيقة ) ... ؟
و لا فى لحظة موت ... ( عشقت بطيش .. شوية خيال ) ..؟؟
ولأنى النهارده .. بدأت رحلة سندباد رحال
ومعايا إجابة أكيدة لنفس السؤال
ومعايا إجابة أكيدة لنفس السؤال
قلت .... ( اكتب )
0 التعليقات:
إرسال تعليق