لو نفسك تضمه فى ضلوعك
لو نفسك علشان ضحكة تختار تدوب كل دموعك
لو خطوتك ما بتخترش عن حضنه أى قرار برجوعك
يبقى بتحب .. و اخترت حد يستاهل إنه يتحب .. و لما تحب و تحب ... دى أكيد حالة حب ( ساكنة أوى ) جوه جدار القلب .
و يبقى صوته قرب
و يبقى قربه منتهى القرب
و مهما دارت الأيام ... و حطت فى السكة دموع و آلام .. تلقى نفسك ( غرقان ) فى حياته أكتر من غير كلام ..
و لو قال أبعد
ترد ( مفيش مكان أبعد )
و قال أنا هبعد
ترد ( من غيرك الحياة أبرد )
و يقول
و تقول
مرة كلام أبيض ... كلام رمادى ... كلام أسود
بس هو عارف و أنت عارف ... إنه معاك مليان أمان مش خايف
بس لما يبقى الحمل بيشد ...
بيقول أحيانا " أحسن أبعد "
و لأنه لسه بيقول و أنا بقول
رد
قدام رد
قلت " النهارده " ... اكتب .
0 التعليقات:
إرسال تعليق