نفسى .. - ( قصيدة عامية )

نفسى ....
دموعى تنزل .

ولتجاعيد الحزن على خدى
تسيل
... لما تجرى تشق قلق السنين
و على بيبان ضلوعى
تزلزل
جبال ملح
خلت طعم أنفاسى أتأل .
لعل يتنفض فيا ,, أخر صبح
كان .
صادف ضحكة جنان ... ماتت
فى حجر شفايفى
عم منول


نفسى ...
دموعى تنزل .

على حب جميل ...
خطى بشقاوة ...
يفطف من الربيع قطفة نداوة
لما فى شهادة الميلاد ... خلانى انط
أفط
قول .. عيل .
حين ما أتغزل فى خضارها
و أكور بكلامى شمس نهارها
,, و أضم فى كفوفى كل - رحابها- .
و فى ليل ... أطول من الأول
خرست الفرحة
.. و الفراق بينا طول .

نفسى ...
دموعى تنزل .

على حلمى إل اتشعلق فى الهوا
و أنا زى ( جاهين )
حلمى بالمحال ارتوى
... لما أشب على طراطيف
الهوا
واد فهلوى
.. بألف لسان
و كتاب ب 100 عنوان
لكن - يفضل الهوا .. هوا .
لحد ما يبلعنى فراغ تقيل يقتل .
وقدرى يضحك  ساخر ...
... ( عيد من الأول )

نفسى ....
دموعى تنزل .

تواسى وجع بلادى
لما شوارعها الساكنة جوايا
تنادى ؟
فين ولادى .. ال ثاروا ؟؟ .
ولادى
ال اتجمعوا مرة على الرصيف
و نزعوا من جوفه نارو .
... ألف أدور معاها
ألقى وشوش الظل .. خيال ممطوط بيطول
و دقون ( بعيب الشيب )
فى وش الشمس
( بجحة ) بتتحول .

نفسى ...
دموعى تنزل


  إسلام البارون
20 / 3 / 2012