لملمى دمعة عيونك .. و كلمة ناعمة مش لونك .
تستبيح ( رقة ) تكوينى .
لا أكرهك و لا تكرهينى .
لا عاد فيك خضار يغرينى ...
و لا صبح لو اتنفس فى عيونك
يحينى .
سنين ... بقلع و بغرس فى قصايدى من نارك .
و ربيعك سجان بارد
كل ما أدفى بيه ... يعرينى .
لا اكرهك و لا تكرهينى .
ده أنا .. مخلوق بعشق عاشق
فى قلب ملكتى
لازم أكون .. راشق
و على مدى صوتى .... كنت بصرخ
أنا لترابك عاشق
,,, و بقلب إزاز .. توجعينى !!
لا اكرهك و لا تكرهينى .
لملمى أعذارك ...
و قصاقيص .. أخبارك
فحضنى مبقاش دارك
و خدى وياكى أخر أدوارك .
و انسينى .
لا اكرهك ولا تكرهينى .
إسلام البارون
6 / 3 / 2012
0 التعليقات:
إرسال تعليق