ألف سلامة عليك يا حبيبى

ألف سلامة لك
يا ريتنى بدالك أنا مشغول عليك طمنى مالك ؟
محتاج قلبى قول ... محتاج روحى قول
دا أنا لو أطول أهدى عمرك لك ...
1000 كلمة حب بتقولها عينيا
نفسى أحوش الأه .. يا ريتها باديا
مش عايزاك تتألم ثانية
دا إنت دموعك تسوى الدنيا
ضحكتك غالية عليا
عمرى كله فداك حبيبى لو تبكى ثوانى
قلبى بيدمع الثانية ثوانى
أنا عارفاك و بحس مشاعرك
و بحبك اكتر ما بقولك
و بحضنك بقلبى و عينيا

و إنت غايب عنى ...

لازم تعرف ... مهما حصل ليك ... و مهما القدر عمل فيك
أنا هفضل ليك
عايش بيك
حضنى بيواسيك ... لا تعب و لا مرض راح عن حياتى يخفيك
قول بس بحبك ... تلقى حضنى مستنيك
بحببببببببببببببببببببببببببببببببببببك

استناك ... و لا خلاص ؟

بجد استناك ... و لا خلاص
؟
أفضل أحبك زى ما أنا بحبك ... و لا خلاص ؟
فاكرانى زى ما أنا فاكراك و لا خلاص ؟
لازم تجاوبنى ...

حد يقولها - خواطر واقعية

حد يقولها ..
حرام ( يترعش ) من الحزن قلب بيحبها
حد يقولها ..
أنا فى حياتها قدر ... لأن مينفعش يجى زيها
حد يقولها ...
إنى ربطت سنين عمرى فى جدايل شعرها
حد يقولها ...
إن شمسى و قمرى ... مزروعين على خدها
حد يقولها ...
إن الدنيا من غيرها ... على كتافى رامية بتقلها
حد يقولها ..
إنى مستنى ترفرف الفرحة تانى فى طعم كلمة منها
حد يقولها
و يقولها
وجعتنى .. وجرحتنى أووووووووووووووى .. بصمتها
حد يقولها ...
ببساطه رغم جنانها ... قلبى بيقول
بحبها .

مقدرش انساك

حبيبى ... دون عن كل الأغانى ... ساب ليا اغنية تجرح و تعذب فيا
و سمعتها و اختفى هو رغم إنه عارف بإنى قلبى ال حبه هيتألم حتى من غير ما أعرف ليه ؟ و لا أنا فى حياته هكون إيه ؟
... و ياترى بس عرف كمان الإجابة منى
إنه كمان الدنيا ما تسوى الحياة من غيره ... و إنه هو الشمعة إل نورت حياتى
و إن قرار بعدى مش بإيدى
بس هو إزاى اختار يبعد بحبه لياعنى ؟
ليه مش بيحارب علشان حبنا يعيش ؟
ليه استسلم لناس مش بنحبهم ؟
ليه ؟؟؟؟؟؟؟؟؟؟؟؟؟؟
بس أنا هستمر احبه و هحارب علشانه كل الدنيا .. لأن ببساطه مش كل يوم ممكن تقابل قلب يحبك كده ... وهفضل استنى و هفضل احارب
و هنتصر
-------------------------------------------------------------------------------

ياريت بقه تقرى إميلات 18 يوم ... عادوا زى سنين ملهاش أخر
بحببببببببببببببببببببببببببببببببببببببببببببببببببببببك
أووووووووووووووووووووووووووووووووووووووووووووووووووووووووى

متجرحنيش ....

الحب عندى وعد
الحب عندى كلمة قرب .. و فعل بجد .
و دى طريقتى .. لما حبيبتك حبيتك بقلب
و انتى تعبتينى ..
و راح من الحياة طعم الضحكة .. و سجنى صمتك
فى حزنى الغرقان فى كرب
و اختفيتى .. و فضل معايا
اخر وعد
و قلب حبك .. بجد
-----------------------------------------------------------
إهداء :
-----
بدموعى ... و لحظات انتظارى .. و اسئلتى إل بتموتنى
بهديها ليكى و انتى بتلملمى بعنيك زى كل مرة ... قصايد و أغانى عذابى
من على مدونتى .. إل شاركتنى الحياة
فى غيابك .

صراصير فى دماغ مواطن مصرى - ( 8 )

تمهيد :
قبل 25 يناير
تقرر تشغل دماغك تبقى دماغك أكيد من الهلوسة ( بتصرصر ) ...
و علشان تنول الرضا لازم ( إنك تكبر )
و للسانك الجرئ " تقصر "
و لأننا النهارده
تقرر تشغل " دماغك " تبقى مصرى حر
و بتفكر ...
( و هى دى بقت مصر )
---------------------------------------------------
( 1 )

بنفس الحماس الذى دعت فيه بحرق ( المتظاهرين ) ... ممثلة الدرجة الثانية " سماح أنور " تطرح " نظرية عاطفية " على صفحتها على الفيس بوك .. تقول إنها تم تضليلها و هى فى منزلها لذا قالت ما قالت ... و على طريقة ( تنزيل الدمعتين ) تقول إن سبب
عدم ظهورها عشرين عاما .. إنها لم يكن لها علاقة مع وزراء كبار !
و يبقى سؤال ( بيفكر )
هل كانت تريد بتصريحاتها ( المتعمدة )
أن تعود للتمثيل على حساب - ثورة شعب ؟
هل كانت تدير حملة علاقات عامة مع أحباب النظام على شهداء الثورة ؟
هل تستحق سماح أنور كى ( تحيا ) فنيا فى الوقت الضائع .. أن ( يحترق ) شعب بالكامل .

( 2 )

تساءل الكثير عن سبب تزعم ( نجمة الإغراء ) غادة عبد الرزاق بكل هذا الحماس و الإصرار لمظاهرات ( مئوية ) لدعم الرئيس المخلوع السابق فى الميدان المختطف من ذكرى الرجل العالم المصرى الوطنى ( مصطفى محمود ) .. و جاء السبب بأنها تدين بالفضل لأحمد شفيق و النظام بتعيين ابنتها ( روتانا ) على خطوط الطيران المصرية
فى وقت غرق فيه شباب مصر فى الإحباط و الفراغ و البطالة ..
ليصبح عند غادة ( الشعب ) ... أرخض من ( الضنى ) .
فهل ستتحمل أيضا فى الأيام القادمة
أن يعمل ( الشعب ) فى ارضه و بلده بدون واسطة و هى تمارس تدخين الشيشة ليللا نهارا أمام صورة ( بابا ) ؟

( 3 )

طباخ ( الرئيس المخلوع ) ... طلعت زكريا و الذى كان صاحب أكبر افتراء على شباب الثورة حيث اتهم الشباب بممارسة الزنا و التحرش و المخدرات فى الميدان بعد تكرار الخبر باشال و بطرق مختلفة متضاربة فى روايتها .. مرة يقول تم السماع من أشخاص فى الميدان ,, و مرة إنه نزل بنفسه
الآن يقول .. شكرا ( ذليلة ) أمام كراهية الثوار له ( كأنه الضحية )
و نبفس نغمة ( الدمعتين و الآهيتين ) يقول إنه لو امتنع عنه المنتجون فسوف يعمل حتى لو سواق تاكسى
و مشاركة منا ...
- اطلب التقدم بمعلومات عن سيارة " أجرة " لفنان سابق ( باع القضية ) .. قسط خفيف .. استعمل مؤيد ( لبابا ) ... و تبقى مشكلة من يرضى و يركب معه ؟
( 4 )

لأن التحول ( موضة أسرع من البرق) ... فتحى سرور رئيس مجلس ( الحزب الوطنى ) السابق الذى كان يشرف منذ أيام قليلة على رسالة دكتوراه لأحدهم حول أثر القمع السياسيى و أجهز ة الدولة ... ( تشملل وتعنتر و تغندر و تنجم ) بسؤال لصاحب الرسالة أثناء مناقشة الرسالة يقول فيه
- لماذا لم تتعرض فى رسالتك ( للتزوير ) الذى حدث فى اتخابات مجلس الشعب
الأخيرة ؟
اترك لكم التعليق ..
و اعرض الآن " قطع غيار " لأى مرارة ... تنفجر .

( 5 )

من أبرز مصطلحات التحول
- كنت مضللا = يعنى لا كنت بقرا و لا بشوف و لا بسمع
- إحنا 79 مليون .. مين إل فى ميدان التحرير دول ؟ = يعنى إحنا كنا 79 مليون شبح
- ( أنا مش كنت مختفى .. أنا كنت هنا ) = يعنى يا كنت نايم سعادتك أو كنت فى الحمام ( وقت الثورة )
- ( سيد القوم خادمهم ) = تفسير أمنى لتصريحات مدير أمن ( بعقلية الضرب بالجزمة للمواطن )
- أنا محدش يزايد على مصريتى = بمعنى ( مصريتى ) المستسلمة الخاضعة الراضية المستفيدة ... الساكتة عن فساد شلة ( جيمى و
بابا )
- أنا مكنتش معاهم = بمعنى أنا كان نفسى أبقى لو فى مشهد زى ( أحمد عيد )
- أنا هتنحر لو الرئيس مشى = بمعنى ( المفروض أبقى راجل و أعملها )
- ( تنزيل الدمعتين مع أول كلممتين) = بمعنى " نحنحه مقصودة " من حد قابل ياطاطى للحزب ( الواطى )

... و أكثر - ( قصيدة شعرية )

أصمتى اكثر
كى احترق أنا اكثر
فأنا أحببتك فعلا بدرجة ... أكثر
و أنت استعذبتِ .. عذابى أكثر .
اصمتى أكثر ..
و توغلى بصمتك على انفاسى
أكثر
لكن حبيبتى أخشى .
أن يخرج الملح منى
و يذوب عنى قناع السكر
حتى تصمتين ..
أكثر .
و اكثر
و اكثر .
-------------------------------------------------------------