RSS

الخميس، 28 يونيو 2012

ثورتى بدأت ... - ( قصيدة شعرية )



ثورتى بدأت ..
        لأنك حين تحب من لا يستحق
         فاتركه .. بما يستحق
         و من هنا ... أطلق عنان ثورتك  

ارحلى عن ميدانى ...
فأنا معتصم الآن أمام عينيكِ بكل أحزانى
فكفى عندى من حيل أعذارك  
... امتهانى
فأنت امراة لم تشفع فيها قصائد مشبعة بقوس قزح
أو حتى حين ..
كسيت ( عرى ) شطآنك بألوانى .

ارحلى عن ميدانى ...
فأنا مدثر بلافتات غضب ساخن
يعتلى كل جبال .. أشجانى
أهتف بشتات رحابك
أطرق بمطارق الهجر أبوابك
كى أمزق نعومتك الصفراء
.. و بئس إدعاء قبح أسبابك
فقد تجاوزت عصر معاناتى معكِ
و بدأ زمنك
لتعانى ...

أرحلى عن ميدانى ...
فشعاراتى تترصد فيك أخر أقنعة الجانِ
و ساسقط بحقى أخر أكاذيب
ضحية .. فى قلبها مثلك قلب جانى
سارقة لبريق الكلمات ... و تمتص بجفافها
زهوة ألحانى .. بالمجان
وحين راودتنى بكل زمانى  
قالت بلا اعتذار
يا أنت ... أنسانى .  

ارحلى عن ميدانى ...
فانا احتشد بأسباب مقنعة  
حين أشهد أنك امراة ( مقنعة )  بضحكة – ..... ( من قناع )
منقمة
... و هزر .. و خدر خفيف
و بغته ( ريح مسومة )
تضرب بغدر
أركانى ..

ارحلى عن ميدانى ...
فلن تعتقل كلمات الملح فيكِ على لسانى
فأنت ... قاتلة أشعارى
أنت ... موقدة نارى
و دارى و أشعارى ...
تسقط اليوم ملامحك من رأس عنوانى .

ارحلى عن ميدانى ...
حين أشيع كل قصائدى عنكِ
التى حاصرت فيها اللغات و الدقائق
و الثوانى
كى أجعلك فى صمت الكون .. أغنية
بل أسطورة أغانى ..    
فأنا ارتضى بقصائدى ... شهداء
لحب أحمق
هلكت فيه دفاترى و أقلامى  
بسم ثعبانِ

ارحلى عن ميدانى ..
و حاذرى قبل الرحيل من كذب جديد
و عهد جديد
و قرب جديد
فأنا اسقطت مملكتك
من خارطة بلدانى
... و محيت حروفك عنوة
من وجدانى ..
فارحلى عن ميدانى ..
ارحلى ...


إسلام البارون  




الأربعاء، 27 يونيو 2012

صفر شمال - مجموعة قصصية لإسلام البارون


" صفر شمال " .. مجموعة قصصية من تأليف إسلام محمد محيى الدين إبــــــــــــراهيم - ( إسلام البارون ) - تتضمن قصصا قصيرة يبلغ عددها  16 قصة تتنوع من رصد حياة و أحلام و آلام فى الحياة المصرية عبر شـــــــــــــــخصيات المجموعة .. كما تتجاوز المجموعة الوطن لترصد حياة و أمل و معاناة فى فلسطين الأسيرة برؤية قصصية تتضمن قسمين ( بعض من حياة ... بعض من وجع ) التى تشمل كلا من ...
( 1 ) بعض من .... حياة
- خطوته الجديدة
- مينى مام
- نصف جنازة
- رحيل جديد
- حصة جغرافيا
- عبدالأله
- قصص قصيرة  جدا - ( أفعال ).
- صفر شمال .
( 2 ) بعض من .... وجع
-  و هى لم تعد تسأل .
- معايشة .
- زفاف على طريقة المخيم .
- أنامل تعزف بالألم .
- الأمن مستتب .
- كيس رمل من أريحا .
- رغم ان جولدا ستغضب .
-  نجمة  أبله أمل  .

أر جو ان تجدوا فيها متعتكم ... و ان التقى ارائكم الكريمة 
وسوف أقوم برفع روابط مباشرة لقراة النسخة الالكترونية من المجموعة كاملة 
و شكرا لكل من قام على انجاح هذا العمل 
و لكل ابطالى و شخصياتى 

إسلام البارون 
 

الاثنين، 11 يونيو 2012

هكذا أرى - ( لازم اتكلم قبل ما اطق )



                                              اكتبها لأنى .. سأظل وفيا لميدانى .. و هويتى و عنوانى 


( 1 ) 
لما بشوف ناس نزلوا و اتصورا فى الميدان و عملوا فيها ثورجية أو كانوا مقضيناها كتابه اخر حاجة على الفيس ضد مبارك و عصابته و النهارده مع اول ازمة حقيقية تلاقيهم بقوا اعضاء نشاطين جدا فى جروبات طالعة من الضلمه و باسماء مشيوهة زى اللجان الالكترونية للفلول ال بيحركوهم .. بتقولك ... ( أنا فل كبير و راضى على العسكر و اتخنقت من التحرير ) .. و ( يا عزيزى كلنا فلول ) ... و غيرها
متزعلش .. لأن الثورة كده بتتطهر من من ناس بلا ولاء و لا مبدأ و لا رؤية .. مجرد وجوه نكرة لا تزيد للثورة و العلم شيئا ... فالثورة حلم لا يقدر عليه المتجولون على كل الموائد .

( 2 ) 
مين ال راح ينتخب شفيق .. ؟؟
- ممثلات من نوع ( كل ما اتنزق اقلع )
- ممثلات لسه فى الضلمة خايفين من ان اجندة احلامهم تقف .. و مش مشكلة الوطن
- موظف شهر عقارى ( بدرج مفتوح طول اليوم الوظيفى علشان المعلوم )
- سواق عربية ( مضروبة ) بتعدى كل سنة من الفحص بالمعلوم المعتاد للمهندس و الأمين
- ناس حياتها ( الفيلا - شرم ) ... و الويك اند .. حياة استهلاكية بدون حرية
- متلونين .. متحولين ... خايفيين ... قابضين
.. و لسه هكما ليكم باقى القايمة .

( 3 ) 
إل بيقولى " يا عزيزى كلنا فلول " ده تصنيفك اليائس لنفسك .. و استسهالك لاستبهالك ... لكن لا تصنفى معك
فأنا أشعر بحريتى تجرى فى نهر غير نهرك الذليل

( 4 ) 
أصبحنا ندعم دفاعنا على مبارك ( العجوز) الذى رغم عجزه الى يسترحم بيه الناس الآن كان يرسل البلطجية و يتابع قتل الشباب ... و الآن نقتبس من ( الهارب ) أشرف السعد .. دلائل الرحمة .. فعلا شعب يعشق جلاده و يمنح قاتله وسام الرحمة .. بس دول ناس عايشين فى بلد غير البلد فلسفوا الحياة لنفسهم و اقنعوا انفسهم بالتلون و اعطوه صفة الحكمة و الضمير ... مصير الطغاة دائما مصير مبارك و امثاله فهو ليس اغلى من أى مصرى شريف يكافح فى الحياة و لا يبحث فقط عن سعادته الخاصة

( 5 ) 
الشعب ( الساذج ) يقبل على نفسه ان يرى منه ضحايا تغرق و تحرق و تقتل و تقلع العيون ... و عندما تعرض صور من ماتوا فى ذكراهم تسمع عبارات ( التخلف ) ... خربوا البلد ... الاستقرار بتاع مبارك و شفيق خيار ... كشعب سادى يتلذذ بالتعذيب و المهانة ... و لم يتبق سوى ان يقولوا عن الثوار .. " اخرجوهم فأنهم قوم يتطهرون " .. و هذه النتيجة حين يجتمع شعب تطهر مع شعب ( تنجس ) بكل الأكاذيب و الجهل الفقر و لا يريد أن يعيش حرا

( 6 ) 
براءات جماعية للقتلة .. و شعب عبيط بيعيط على صحة مبارك ال بيمثل مسرحية باسم محامى الشيطان .. الديب
فعلا تستحقوا شفيق ... شعب جيناته خالية من الحرية

( 7 ) 
قنوات عماله تقول ..مبارك بيحتضر و فى حالة صحية متدهورة ... و كأن اعلامنا عايز يخلق بس حالة تعاطف مستتر لقاتل بحكم المحمكة و خائن لأمانة شعب و عميل لكل عدو .. و احنا شعب مش بيفكر أبداااااااااا إنها تمثيليلة زى النومه على السرير ... و غيرها علشان يتم نقله بحيلة مدبره من محامى الشيطان .. الديب .

( 8 ) 
كلنا ضد ( محاربو العار ) ... الذين يدعون انهم من مقاتلى اكتوبر .. و يلومون على صرف تعويضات للمصابين و الشهداء فى الثورة ... و هم من يجب ان يحاسبوا انفسهم على تفريطهم فى حقوقهم و ال اكلاها مكنوشس الثوار دول كانوا السادات و مبارك ... وال بيشوهوا النهارده الثوار هم ال انفسهم تخلوا عن حق زملاء الميدان و هما شايفين اسرئيل بتعدمهم تحت الدبابات متكتفين و اسرى و من غير ما يخدوا اى موقف ضد استقبال مبارك للقاتل بنيامين ال عازر ,, و يعمله كمان مستشار و يقبض مرتب من فلوس مصر ... المحاربيين الشرفاء يا اما ساكتين و مع الثورة لأنهم عارفين يعنى ايه كفاح و حرية ... يا اما ماتوا علشان انصاف الأبطال يعيشوا ... على موائد الفضائيات .... لا لمحاربين العار.

( 9 )
حاليا فى برامج التوك شو .. تلاقى المذيع مستضيف بحجة ( الرأى الأخر ) واحد او احدة من بتوع الفلول و من محترفى تشوية الثورة و يبقول المذيع ... هنستقبل اتصالات و فجأة تلاقى من 10 اتصالات 9 بيدعموا الفل أو الفله قدام الثورة و الثورة علشان الناس تفتكر ان ده الحقيقة و الشارع .. و السر ان الفل أو الفله بتكون مربطة مه حبايبها و انصار اللجان الألكترونية لفلوول ال بيكونوا قادرين على انهم يضربوا كارت موبايل ب 100 فى سبيل المكالمة .. و تلاقى نفس التركيبة ... واحد يطلع يقولك انا من المحاربين القدامى و يقولك الثوار كانوا فين لما حاربنا ؟ .. و منردش و نقول لهم كنتم برضه فين لما شفتم فيلم اعدام الأسرى المصريين و مبارك بيستقبل ال قتلهم و فى الأخر كمان طلع مستشار مقرب ليهم اسمه بنيامين أل عازر ... و يطلع لواحد وواحدة و يقولوا احنا من الثورة بس بنكرها بسبب الثوار .. و عايزين شفيق منتهى التنقاض لعمل دعاية مستهدفة من لجان انصار الفلول بشكل متخفى !!!!!!! و غيرهم كتير خاصة على قنوات زى الحياة ... دى الحرب النفسية ال بيقودها ناس اصواتها غامضة و وجوه غير معروفة و ناس بتقبل و تعدى و تحطم النفسية فى وقت الشارع وصل لدرجة الغليان ... رجاء شير و خلوا الناس تفهم .. مين بيتصل ؟ .. مين بيتكلم ؟ و الهدف ايه ؟

( 10 ) 
امتى اشوف جمعة جامعة لدول الربيع العربى فى مصر و سوريا و تونس و اليمن و ليبيا .. كلها طالعة فى هدف واحد .. دولة مدنية بلا مرشديم و لا أمراء حرب ... و دولة مطهرة من الفساد و الفاسدين من أعوان النظم الفاسدة القاتلة الفاسدة .... و منرجعش إلا لما نستحق فعلا فكرة ( الربيع العربى )
 

... و مازلت أرى بحريتى الكثير .....